Co gallo do Ano Celso Emilio Ferreiro, o Consello da Cultura Galega recupera este xoves, en aberto e de balde, o vello debate sobre o papel da emigración galega que fixera famoso o poeta celanovés a partir da publicación dos seus controvertidos poemas sobre a colectividade galega de Venezuela en 1968. Xosé Manuel Núñez Seixas, o coordinador da xornada, insístenos: o debate aínda non está pechado.

Ir a un concerto ou ao teatro nunha cidade que non é a propia, desfrutar do espectáculo, tomar algo e ficar a durmir. Esta é a proposta que están a facer negocios como o Bar Liceum, do Porriño e o Teatro Arte Livre, de Vigo. No caso Teatro Arte Livre convidan a asistir á súa representación de O retrato de Dorian Grey cunha ampla oferta de opcións. Deste xeito, por 20 euros pódese optar por recibir un libro co texto do espectáculo ou ben desfrutar dunha cea. Por trinta euros disporase de hotel a seguir da obra, e por 40 o lote de obra, cea e mais hotel. Dorian Grey está en cartel ata o primeiro de xullo venres sábados de domingos.