15/5/2008
Almacéns abandonados. Fábricas en ruínas. Edificios que xa non cumpren a súa función poder vivir unha nova vida da man da cultura. Desde intervencións artísticas ata auténticas ocupacións con motivos socioculturais, no noso país existen múltiples iniciativas que apostan por darlle un novo valor a inmobles que semellaban condenados ao esquecemento.
O 1% do orzamento que Medio Ambiente destina a obras hidráulicas, a través do organismo Augas de Galicia, destinarase a recuperación de patrimonio dos rios. Ou o que é o mesmo, muíños de auga, fábricas de papel e de luz que están nas beiras dos ríos. As obras comezarána a executarse con cargo aos orzamentos do vindeiro ano e só naquelas construcións que sexan (ou esté asegurado que o vaian ser) de titularidade pública.
As pezas da exposición precolombina que chegaron a Galicia hai máis de dez anos para unha exposición seguen dando que falar. Despois de que o coleccionista Leonard Patterson as levara a Alemaña a principios de marzo, a fiscalía do Patrimonio de Tribunal Superior de Xustiza de Galicia acaba de denuncialo por un delito de contrabando de arte. A lexislación española da materia establece que cando unha obra de arte permanece dez anos en territorio español pasan a ser consideradas bens culturais e precisan do permiso do Ministerio de Cultura para o seu traslado.
O Museo de Arte Contemporánea de Vigo (MARCO) acaba de presentar a súa programación para os vindeiros meses. O coleccionismo privado e a música (cun concerto homenaxe a Enrique Macías) son os principais eixes da súa actividade que abre unha liña reflexiva sobre o papel deste tipo de centros. De feito, o MARCO ten previsto celebrar entre xuño e setembro, un proxecto titulado “O medio é o museo” no que destaca o espazo como protagonista da mostra pero tamén como soporte artístico.
Un estudo realizado pola Mesa pola Normalización Lingüística, encargado á empresa Quadernas Consultoría sobre unha mostra de 170 centros de ensino, revela que só o 43,1% dos centros de infantil incumpren o chamado decreto do uso do galego. Ou o que é o mesmo, imparten en galego menos da metade das materias. Deses centros, o 40% imparten no noso idioma menos dunha hora diaria. O estudo revela tamén que a situación máis grave ten lugar nas cidades da Coruña, Lugo, Ourense, Pontevedra, Santiago, Vigo e Ferrol.
O Centro IBBY para a diversidade cultural será “unha biblioteca física pero tamén un elemento dinamización con actividades de ámbito nacional e internacional”, aseguraba no Parlamento esta mañá Luis Bará, como resposta a unha pregunta parlamentaria do BNG sobre esta materia. Bará confirmou que o centro abrirá no 2009, un ano antes da celebración do 32 edición do Congreso Internacional da Literatura Infantil e Xuvenil IBBY. Ademais, Bará explicou que este centro, situado na Biblioteca Nacional da Cidade da Cultura, terá programación dirixida a estudosos e a todos os lectores, con especial atención á comunidade escolar. Ademais, contará coa primeira biblioteca internacional especializada na literatura infantil escrita en linguas minorizadas, fondos que se poderán consultar na rede. Aproveitou tamen para situar a consecución dun centro IBBY en Galicia, como o resultado do “traballo colectivo” realizado a prol da literatura infantil e xuvenil nos últimos anos.
“O artista, o crítico ou o historiador da arte debe dialogar coa tradición da que vimos, mesmo para negala”, afirma o crítico Carlos L. Bernárdez nesta entrevista de Xosé Manuel Lens.
Xerais reedita este libriño de poesía que Álvarez Blázquez lle dedica á súa filla. "Os poemas constitúen un delicado canto ao sentimento paternal", comenta Isabel Soto da obra en lg3.
