Para iniciados
O Realplayer é un reproductor de audio e de video que permite ver e oir arquivos gravados neste formato. Este formato permite transmitir imaxe e son a través de Internet cunha grande compresión, de xeito que o tempo de agarda para acceder ó arquivo é menor que con outros formatos. Sen embargo, a calidade final tamén diminúe con respecto a sistemas nos que a información está menos comprimida.
O Realplayer permite a reproducción en "streaming", é dicir, que non cómpre descargar o arquivo completo antes de velo, senón que o arquivo vaise descargando á memoria do computador a medida que o imos vendo ou escoitando. Na páxina da ligazón, o reproductor gratuito está un pouco agachado. Tes que baixar ata que atopes un apartado chamado "Other links" e escoller "Real Player 8 Basic". Tamén tes acceso a unha versión de pago máis completa e de custe reducido.


Usalo no portal.
Cando vexas un video, e queiras utilizar Real Player, selecciona a opción que aparece destacada:

Para cinéfilos
O Quicktime é un formato que permite a reproducción de arquivos de video e de audio da rede cunha grande calidade e un peso non excesivo. En culturagalega.org utilizámolo para versións de máis calidade de audio e imaxe, e en "descarga progresiva". Isto quere dicir que terás que agardar a que o ficheiro se vaia descargando pouco a pouco. Mentres, podes ir vendo o contido. A ventaxa que ten é que, unha vez descargado, pódelo reproducir sen agardar tantas veces como queiras (ata que marches da páxina onde o abriches).


Usalo no portal.
Cando vexas un video, e queiras utilizar Quicktime, selecciona a opción que aparece destacada: