Xohana Torres. A Dona dos Mapas

Presentación

Henrique Monteagudo Romero e María Xosé Agra Romero presentan unha xornada que se divide en tres sesións: científica, de documentación e memoria, e literaria.

Sesión científica

“ENTRAR NA SOMBRA.VULNERAR A NOITE”

Para propiciar novos enfoques arredor da obra de Xohana Torres en ámbitos como o poético, narrativo, teatral, e na literatura infantil e xuvenil, a xornada abriuse cunha sesión científica na que catro estudosas da súa obra presentaron novas achegas arredor dos parámetros xénero e nación na súa obra dramática, paisaxe e natureza na obra poética, o seu labor en tanto que precursora na literatura infantil e xuvenil e unha outra lectura da novela Adios María. Como pórtico a sesión científica abriuna a profesora Carmen Blanco cunha conferencia marco sobre a figura de Xohana Torres.

Discurso inaugural
María Xosé Agra Romero presenta a Carmen Blanco, quen co título “A nai navegante” fai o discurso inaugural da xornada. | Resumo discurso

Relatorios e debate
Dolores Vilavedra fai a presentación das relatoras: Iolanda Ogando, Olga Novo, Montse Pena e Helena González.

Sesión de documentación e memoria:

“NON SABEDES DE MIN MÁIS QUE ISA ONDA”

Na procura de abrir novas canles de aproximación á figura de Xohana Torres en ámbitos como o radiofónico e o teatral, organizouse unha sesión de documentación e memoria que aportou novos datos e relatos sobre o seu papel como axente cultural no Ferrol dos anos 50, na súa relación co Grupo Teatro Estudio e en Vigo nos anos 70, como directora dun dos primeiros programas culturais de radio en galego, a emisión Raíz e Tempo. Ao tempo presentouse unha ampla compilación da documentación recollida na cartografía dedicada á escritora

Sesión literaria:

“CLANDESTINA ABORDAXE, ONDA QUE ROMPE”

Pechouse a xornada cun recital poético enmarcado no verso que deu titulo a sesión e que foi suxerido como diálogo ás poetas participantes unidas todas pola súa relación con Xohana Torres

PECHE DA XORNADA

As coordinadoras da xornada Ana Romaní e Helena González no peche, fan un breve resumo do acontecido na xornada e presentan a audición de Xohana Torres recitando o seu poema “Penélope”.