NOTICIAS
ESTA úLTIMA FASE ACABARá O 2 DE ABRIL CO APAGADO DE SINAL PARA VIGO, PONTEVEDRA E LUGO10/03/2010
Cinco concellos da provincia d’A Coruña situados no Barbanza – Ribeira, A Pobra, Rianxo, Dodro e Boiro- , catro da provincia de Lugo- Monterroso, Antas de Ulla, Taboada e Palas de Rei-, e outros tres de Pontevedra –Cangas, Oia e Bueu- dan hoxe o paso definitivo á TDT. No que é o comezo da III Fase, última do proceso de implantación da televisión dixital, apáganse ás sinais analóxicas nos correspondentes repetidores destes concellos seguindo despois polos concellos que aínda restan ata o 2 de abril data na que, co apagado das áreas técnicas de Domaio e Páramo a maior parte das provincias de Lugo e Pontevedra , incluíndo as súas capitais e Vigo, deixarán de recibir sinais analóxicos de televisión. En total máis de un millón de cidadáns estarán afectados nesta fase do apagón.
O SECTOR AUDIOVISUAL CONTINúA COS SEUS PROXECTOS á ESPERA DA DEFINICIóN POLíTICA E ADMINISTRATIVA
04/03/2010
Estreas, rodaxes, desenvolvemento…. A falta da convocatoria de axudas deste ano, a reorganización do Consorcio Audiovisual de Galicia como entidade que coordine a política administrativa da Xunta, as produtoras seguen co seu traballo. Tic Tac Producións presenta o luns en Santiago Que Culpa ten o tomate, Ringo Rango roda en marzo Anos despois, Filmanova Doentes e Continental ultima a gravación de O sexo dos anxos. Son só un anticipo da produción deste 2010, repasamos algunhas das historias.
ZAPATA, XURXO GONZáLEZ E SUSANA MACEIRAS FIGURAN NO COMITé DE AXUDAS A PRODUCIóN
01/03/2010
Xosé Zapata (IB Cinema), Xurxo González (Xunta de Galicia) e Susana Maceiras (Adivina Produccións) son os tres galegos que figuran na listaxe de vogais dos comité de axudas á produción cinematográfica do Instituto da Cienamatografía e as Artes Audiovisuais (ICAA). Pero non son os únicos, xa que canda estes nomes, figuras outros vogais noutros comités como Dolores Ben para a produción de películas para televisión e series de animación sobre proxecto e María Yáñez para a realización de obras audiovisuais con novas tecnoloxías. Os seus nomeamentos teñen unha duración de dous anos.
FEIJóO VOLVEU REPETIR QUE ESTE ORGANISMO CONCENTRARá TODA AS COMPETENCIAS NA MATERIA
26/02/2010
A piques de cumprise un ano do cambio de goberno, a Xunta aínda non ten fixado o organigrama administrativo en materia audiovisual. O presidente da Xunta de Galicia ten manifestado en diferentes ocasións, onte volveuno repetir na rolda de prensa posterior ao consello da Xunta, que estará nun único organismo e que este será o Consorcio Audiovisual de Galicia (entidade interadministrativa no que están desde diferentes departamentos da Xunta ata as deputacións). Pero a día de hoxe este organismo está sen director e sen persoal desde o pasado mes de decembro, á espera dun novo decreto que o lexitime para desenvolver composición e funcións. O gabinete da Secretaría Xeral de Medios asegura que o decreo está moi avanzado pero non aclara cando estará listo para levar o consello da Xunta para a súa posterior aprobación.
OS ANIMADORES DE OMNIVOROUS TREE APROVEITAN O SEU éXITO NO CERTAME DE VIDEOS DE THE PRODIGY
25/02/2010
Quedar segundos nun certame internacional para elaborar o vindeiro video do célebre grupo The Prodigy, ten mérito. E aínda máis en sabendo que o produto se elaborou en apenas tres semanas, e que os seus responsables son un grupo de animadores en paro. A dixerir o éxito desta iniciativa, o colectivo Omnivorous Tree ultima os seus plans para se constituír como empresa e continuar o seu traballo na animación aproveitando as últimas novidades tecnolóxicas. Un dos membros, Ruben López Ares, explícanos polo miúdo esta iniciativa.
A SEXTA EDICIóN DO ENCONTRO DESENVOLVERASE ENTRE O 17 E O 21 DE MARZO
22/02/2010
A cita co cine documental xa quenta motores. A sexta edición de Play Doc arrincará o vindeiro 17 de marzo. Por diante quedan cinco días que exhibirán 31 filmes e nos que se poderá ver a retrospectiva do francés Raymond Depardon e do norteamericano Jay Rosenblatt. Os organizadores do certame continuarán potenciando as actividades paralelas do encontro e nesta ocasión tanto Antón Lamazares coma o escultor Manolo Paz encherán o apartado expositivo. Ademais, haberá concertos en directo dos norteamericanos The Spinto Band ou os angolanos Batida, que compartiran espazo cos creadores de La Blogotheque, unha das propostas audiovisuais máis interesantes que se poden atopar actualmente na rede.
