Notice: Undefined variable: totalRows_rs_galeriaImaxes in /var/www/html/cultura/html/avg/index.php on line 184 ||| AVG ||| AudioVisual Galego

NOTICIAS

'SYNGDOC' E 'MAREAS ROJAS' ACADAN RECOñECEMENTO NAS SúAS CATEGORíAS

17/10/2017

O Ciclo Internacional de Cine Submarino de Donostia-San Sebastián (CIMASUB) ven de recoñecer no seu palmarés deste ano dous traballos feitos e producidos nas augas da costa galega. Na categoría de Documentais a película de Pablo J. Garrido, SyngDoc: El desconocido mundo de los Signátidos acadou o recoñecemento do xurado que lle outorgou o segundo galardón da sección, a Barandilla de Prata. de Manuel Enrique García, acadou a Barabdilla de Bronce no partado dedicado a Documentales Cortos. O certame recibe traballos de todo o mundo e as películas gañadoras proxectanse no Teatro Principal da capital donostiarra estes días.

Amplía a nova

O CLúSTER AUDIOVISUAL E AGADIC COLABORAN PARA APROVEITAR AS OPORTUNIDADES DA FEIRA INTERNACIONAL

17/10/2017

O Mercado de Contidos Audiovisuais MIPCOM de Cannes acollerá hoxe un acto promocional do sector audiovisual galego. O Clúster Audiovisual Galego levará a cabo, en colaboración coa AGADIC, esta acción. Desta maneira, o clúster patrocinará a “Happy hour” do Programa MEDIA en Mipcom, que terá lugar hoxe, á 17:00 horas, no stand de Europe Creative MEDIA. Durante o transcurso do encontro farase unha presentación do clúster e das súas empresas, en especial das que están presentes no mercado, e proxectarse un vídeo promocional do audiovisual galego. Nesta edición, acoden a Mipcom as empresas socias do Clúster Audiovisual CTV, Ficción Producciones, Portocabo e Tamboura Films, dentro da delegación empresarial galega promovida pola Axencia Galega das Industrias Culturais (Agadic) coa colaboración do clúster, e que a completan as firmas Maruxiña Filmes, Treeline Distribution e Zenit TV. Ao mercado asisten ademais outras compañías socias como Bambú Producciones, Filmax International, Pequerrecho Subtitulación e Televisión de Galicia.

Amplía a nova

O FESTIVAL DE CINEMA FANTáSTICO PRESENTA UNHA NOVA SECCIóN OFICIAL DE CURTAMETRAXES EN GALEGO

16/10/2017

A novena edición do Festival de Cinema Fantástico da Coruña, o FKM, xa está en marcha. Inaugurada esta fin de semana cunha “zombiewalk” celebrará as súas sesións ata o vindeiro día 22 que celebrará a súa cerimonia de clausura e entrega de premios. As instalacións da Fundación Seoane, o Centro Galego de Artes da Imaxe CGAI, o Museo de Arte Contemporánea MAC e os Cines Los Cantones acollerán os actos e proxeccións deste evento especializado no audiovisual do xénero do terroR, a ciencia ficción e o fantástico. O evento, que ten seccións competitivas de longametraxes Ópera Prima e curtametraxes de carácter internacional ambas, ofrece estreas en Galicia de varias das producións. Ademais este ano ofrece como novidade unha nova sección competitiva, o Concurso Internacional de curtametraxes CINEMA FETUS, destinado a obras de baixo orzamento con versión orixinal en galego. Nove producións de entre 3 e 15 minutos competirán nesta nova sección; obras experimentais e arriscadas, onde o enxeño, a capacidade de inventiva e as narrativas non convencionais buscan optimizar os recursos dispoñibles con talento, creatividade e sentido do humor. Catro películas fóra de concurso, algunhas clásicos xa, conforman a sección Homenaxe a Satán e ademais hoxe mesmo terá lugar a Video-regueifa, un evento híbrido entre o show e a charla no que dous invitados preparan unha selección de vídeos de internet ao redor dun tema proposto. Os relatores proxectan os seus vídeos de forma alternada, como nun combate por asaltos. Neste caso o tema será e o acto con entrada aberta e de balde terá lugar hoxe ás 23 horas na Fundación Luís Seoane.

Amplía a nova

A II XORNADA DE ONOMáSTICA REFLEXIONOU SOBRE COMO SE CHAMAN OS PROTAGONISTAS DAS HISTORIAS QUE INVENTAMOS

13/10/2017

Evaristo Currás, Marga Neira, Adrián Solovio ou Simón Varela son nomes que teñen algo en común: designan personaxes de ficción feita en Galicia. A elección de antropónimos para os protagonistas de filmes, obras de teatro ou traballos literarios non é un proceso sinxelo e bebe de moitas fontes. Esta cuestión foi unha das que se abordaron na II Xornada de Onomástica Galega que organizou a Real Academia Galega en Pontevedra o pasado 30 de setembro. Normas para escoller nomes, como buscalos e a problemática de normalizar os nomes propios da nosa lingua foron algunhas das cuestións que se abordaron neste encontro.

Amplía a nova

OS FILMES A BATALLA DESCOñECIDA E ENTRE LA OLA Y LA ROCA COMPITEN NA SECCIóN DOCUMENTAL

13/10/2017

A 62 edición da Semana Internacional de Cine de Valladolid, que comeza o vindeiro 21 de outubro, homenaxeará o actor galego Luís Tosar. O intéprete foi galardoado pola organización do evento cunha das cinco Espigas de Honor que se entregan nesta xeira a recoñecer o conxunto da súa carreira. A entrega do galardón realizarase o vindeiro 24 de outubro na gala que o festival lle dedica ao cinema español. En paralelo, dous filmes do país compiten na Seminci no marco da sección DOCEspaña. Paula Cons e a produtora Agallas Films presentan A batalla descoñecida, que aborda o conflito polo control do wolframio galego durante a II Guerra Mundial, mentres Manuel Lógar asina Entre la ola y la roca, que retrata o mundo dos percebeiros en Muxía trece anos despois do Prestige.

Amplía a nova

O FESTIVAL OURENSáN OFRECERá 73 PEZAS DE 23 PAíSES NA 22ª EDICIóN

11/10/2017

Trinta Lumes de Diana Toucedo será longametraxe encargada de inaugurar o vindeiro 20 de outubro esta vixésima segunda edición do Ourense Internactional Film Festival (OUFF). A cinta, a cabalo entre o documental e a ficción ambiéntase nunha comunidade do Courel na contorna do Día de Defuntos, o que propicia que todas as barreiras rompan, entre os vivos e os mortos. A clausura contará coa proxección do filme La ley de la frontera (1995) do realizador arxentino Adolfo Aristarán. Hoxe anunciouse o programa do OUFF que avanza na reestruturación de contidos iniciada o ano pasado cara a unha maior especialización no cinema iberoamericano e reforza a presenza do audiovisual galego. O encontro desenvolverase do 20 ao 27 de outubro arredor das súas seccións competitivas e espazos temáticos, que suman 73 pezas de 23 países. Dez filmes competirán na sección de cine iberoamericano e nove da sección de Ópera Prima. O cine galego, do que se ofrecen quince pezas no festival, estará especialmente presente na sección Síntomas, dedicada a novos cineastas e na que 8 das 11 películas son de realizadores galegos como A historia dun satélite das Also Sisters, Escarbana da ourensá Sara Casasnovas ou Dhogs de Andrés Goteira.

Amplía a nova

VIDEOS

PRODUCIÓNS

PROFESIONAIS

GALERÍAs

DOCUMENTOS

  1. Dossier | Pacios. As fotos da memoria Ficha abreviada, en portugués, desta obra-retrato dos viciños dun lugar galego

  2. Dossier | A paixón de María Soliña Ficha técnico-artística completa e notas de produción deste traballo sobre a figura histórica.

  3. Dossier | Anacos

  4. Máis documentos

ZONA FAN