NOTICIAS
A LINGUA A REFLEXIóN DE XOSé BOCIXA ESTá DISPOñIBLE NA REDE23/05/2012
Lois Dieguez, Xurxo Souto, F. Xosé Fernández Naval, Antía Otero, X. R. Freixeiro Mato, Dores Tembrás, Estibaliz Espinosa, Pilar Pallarés, Ánxeles Penas e Marcelino Fernández Mallo son as voces que recolleu Xosé Bocixa para o seu documental A lingua a reflexión. O proxecto quere animar a pensarmos a situación da lingua baixo o goberno autonómico do PP e está dispoñible de xeito íntegro na rede.
A IX EDICIóN DO FESTIVAL ARRINCA MEDRANDO FRONTE á CRISE
23/05/2012
A crise déixase sentir nas producións pero non no evento. O Festival de Cans dá comezo hoxe á súa IX Edición aparecendo como unha excepción no panorama de crise do audiovisual. Fronte aos recortes ou suspensións aos que se enfrontan outras citas, o encontro do Porriño medra, aínda que os seus organizadores recoñecen que, dun xeito ou doutro, os problemas económicos se deixan senstir nas producións que reciben.
LOIS PATIñO ESTREA DúAS DAS SúAS VIDEOCREACIóNS EN MADRID E CANADá
22/05/2012
A distribuidora neoyorkina GKids, especializada en filmes independentes e de animación, acaba de se facer cos dereitos para Estados Unidos do filme Engurras, producido pola galega Perro Verde films e mais Cromosoma. Con esta venda, o filme suma un novo país á súa distribución, logo que os dereitos fosen xa adquiridos para Canadá, Rusia, Latinoamérica, China e Polonia. O filme competirá en breve nos festivais de animación de Annecy e no de Karlovy Vary. Ao tempo, o vigués Lois Patiño estrea estea mesma semana a súa obra Ecos del bosque no festival Rencontres Internationales París/Berlín/Madrid e Na vibración da auga no Media City Film Fest, de Ontario, Canadá.
A CONSELLARíA INICIOU UNHA ROLDA DE CONTACTOS COAS ASOCIACIóNS DO SECTOR
14/05/2012
As bases coas que se convocan as axudas económicas para o sector audiovisual reformularanse de cara ao vindeiro ano. A Consellaría de Cultura desenvolverá, entre este mes e o vindeiro setembro, unha serie de conversas con representantes das diferentes asociacións profesionais do audiovisual galego coa intención de "recoller todas as suxestións e puntos de vista" as mesmas o respecto. Un encontro entre o director da Axencia Galega das Industrias Culturais, Xoán Carlos Fernández Fasero e membros da Asociación Galega de Guionistas abriu esta rolda de conversas.
MAREA BLANCA ESTá DIRIXIDO POR ISABEL COIXET
14/05/2012
Co amparo dunha coñecida marca de cervexas e no marco da súa campaña internacional para coidar as praias, os voluntarios que participaron na recollida do fuel do Prestige das nosas costas están a recibir unha homenaxe. A directora de cinema Isabel Coixet dirixiu o documental Marea blanca, que recolle os testemuños dalgunhas das preto de 125.000 persoas que se achegaron a participar, hai agora dez anos, nas tarefas de limpeza da costa. O trailer está xa dispoñible na rede, e a estrea, tamén en liña, farase o vindeiro 17 de maio. Canda a isto, na rede pode verse unha fotografía de toda a Costa da Morte sobre a que se amosan testemuños, fotografías e vídeos dalgúns dos que participaron nesta marea.
O EVENTO ENTREGOU OS SEUS GALARDóNS O PASADO VENRES
14/05/2012
A novena edición do festival Curtocircuíto fechaba portas o pasado venres coa entrega dos seus premios. O romanés Cristi Iftime, co filme 15 iulie (15 de xullo) obtivo o galardón na sección internacional, mentres Tuba Atlantic do noruegués Witzo Jaquier fíxose co Premio do Público. O británico Joseph Pierce, co seu The Pub impúxose na categoría de animación, e na sección de curtas galegas venceu Sonia Méndez con Conversa cunha muller morta.
