Novas | 1 a 10 de 3007

Siguiente >>

16/11/2017
Vigo acolle o congreso Cultura e Igualdade

A primeira xeira do congreso Cultura e Igualdad, unha iniciativa estatal que quere promover a mellorar da situación das mulleres no ámbito cultural, bota a andar mañá en Vigo. O Auditorio Mar de Vigo acolle este venres a primeira das dúas xornadas da iniciativa, que se centra nesta ocasión na problemática da igualdade no sector audiovisual. A actriz Berta Ojea dirixe esta edición na que se abordarán mediante diferentes mesas redondas cuestións como "Políticas e plans de igualdade para a industria cultural", "A igualdade de xénero no sector audiovisual", ou "Cómo ser guionista ou directora e non morrer no seu intento". No programa, nomes coñecidos do sector galego como Emma Lustres, Miguel de Lira, Uxía Blanco, Alfonso Pato, Chus Gutiérrez ou Jorge Coira. Ojea anunciou que as conclusión do encontro presentaranse publicamente na "Declaración de Vigo".. Amplía a nova>>

15/11/2017
A Academia do Audiovisual reedita a semana dedicada ás bandas sonoras

O Palacio da Ópera da Coruña acolleu a presentación da segunda edición da Semana das Músicas do Audiovisual, un festival singular organizado pola Academia Galega do Audiovisual e pola Orquestra Sinfónica de Galicia coa intención de dar protagonismo ás músicas compostas para cine, televisión e outros medios audiovisuais. Esta segunda edición celebrarase dende o 27 de novembro ata o 1 de decembro na Coruña, Compostela e Narón, baixo a batuta de dirección do evento do compositor Nani García.. Amplía a nova>>

15/11/2017
Once proxectos reparten as subvencións para o desenvolvemento de proxectos audiovisuais

A páxina web da Axencia Galega das Industrias Culturais recolle hoxe a resolución da convocatoria de subvencións para o desenvolvemento de proxectos audiovisuais de produción galega. Un total de once producións reparten os 200.000 euros das axudas, dos cales 25.000 corresponden a este ano e os restantes a 2018. As axudas distribúense en cadanseus 20.000 euros para os filmes de ficción O vello e o can da produtora Caladiño, Veinte de Vaca Films, Melita, de Abano Producións, Tres flores sen piedade de CTV, Unha casa en Amargura de Ficción Producións, Ultramar de Vaca Films, Garbo, o espía que enganou a Hitler de Portocabo TV e mais After de Frida Films.. Amplía a nova>>

13/11/2017
Comeza a edición máis ambiciosa do Curtas Armadiña de Poio

A terceira edición do festival audiovisual CURTAS ARMADIÑA dá comezo hoxe na localidade pontevedresa de Poio ás súas actividades e proxeccións, que prolongarán ata o vindeiro día 19 de novembro. Este ano o evento organizado pola Asociación Cultural Deportiva e Medioambiental Armadiña presenta numerosas novidades coas que vai crecendo como cita co audiovisual e como ferramenta social máis alá da concepción de certame de exhibición de curtametraxes. . Amplía a nova>>

06/11/2017
Os Premios da Crítica recoñecen traxectorias, compromiso e vangardismo

Baixo o lema "40 anos facendo país para sermos máis nós", lembrando o corenta aniversario da celebración ininterrompida dos premios, a Fundación Premios da Crítica de Galicia reuniu o pasado sábado en Vigo a trescentas cincuenta persoas representativas dos diversos ámbitos da política, da sociedade e da actividade cultural do país. Os diversos xurados dos premios fixeron público nese momento o ditame da cuadraséxima edición dos Premios da Crítica de Galicia na súas modalidades de Creación Literaria, Investigación, Música, Iniciativas Culturais e Científicas, Artes Plásticas, Artes Escénicas, Cine e Artes Audiovisuais e Cultura Gastronómica.. Amplía a nova>>

31/10/2017
Novembro trae o Cineuropa máis revolucionario

Do 7 ao 28 de novembro, Compostela acolle a trixésimo primeira edición do festival Cineuropa. 264 filmes e 17 seccións nun certame que medra este ano en proxeccións, en número de premiados, en xornadas e espazos de exhibición. O director de orixe griega Costa-Gavras recibirá un dos Premios honoríficos de esta edición, xunto aos directores españoles Manuel Martín Cuenca e Carla Simón, tamén o actor arxentino Leonardo Sbaraglia recibirá un dos Premios Cineuropa 2017.José Luís Losa, director de Cineuropa 31, detallou onte nunha rolda de prensa a programación desta nova edición, e incidiu na súa reivindicación do cinema como experiencia colectiva e na especial atención que o certame presta este ano á mocidade para contribuír á xeración de novos públicos. O alcalde de Santiago, Martiño Noriega, conduciu a rolda de prensa que contou tamén coa presenza da vicepresidenta da Deputación da Coruña, Goretti Sanmartín; a concelleira de Acción Cultural, Branca Novoneyra.. Amplía a nova>>

31/10/2017
Álvaro Gago volta da Seminci cun premio para Matria

A Semana Internacional de Cine (Seminci) de Valladolid recoñeceu o audiovisual galego. Matria de Álvaro Gago obtivo o galardón á mellor curtametraxe española do encontro. O filme narra o día a día dunha traballadora dunha conserveira a pór de relevo a importancia das mulleres na sociedade galega. En paralelo, a longametraxe Dhogs, ópera prima de Andrés Goteira, obtivo o premio Paul Naschy ao mellor filme da Sección Oficial do Festival de Cine Fantástico Nocturna de Madrid. Ademais, o protagonista da fita, Carlos Blanco, fíxose co galardón á mellor interpretación masculina.. Amplía a nova>>

27/10/2017
La vendedora de fósforos e Baronesa impóñense no OUFF

O Festival de Cinema de Ourense acaba de dar a coñecer os traballos galardoados na súa vixésimo segunda edición. La vendedora de fósforos, de Alejo Moguillansky, impúxose como mellor filme da competición iberoamericana "pola súa capacidade para pensar o real a través da ficción e pola súa habilidade para construír un relato combinando materiais diversos sen perder a vitalidade do impulso". Pola súa banda Chris Gude fíxose co Premio Carlos Velo á Mellor Dirección polo seu traballo en Mariana, categoría na que houbo ademais unha mención especial para La noche polar, de Florencia Romano.. Amplía a nova>>

27/10/2017
A Mostra de Curtas de Noia homenaxea a María Bouzas

A partir do vindeiro 1 de novembro e ata o día 11, Noia acolle a súa décimo oitava mostra de curtas. No programa, para alén de mesas redondas e da proxecións dunha corentena de curtas e de varias longametraxes, a actriz María Bouzas recibirá o premio honorífico desta xeira. A organización quere recoñecer así a extensa traxectoria desta profesional, que participou en títulos como as series ratos combinados e Terras de Miranda ademais de ter unha ampla traxectoria teatral coa súa propia Compañía das Marías. A entrega do galardón está prevista para a noite do vindeiro 10 de novembro.. Amplía a nova>>

24/10/2017
Nieves Rodríguez, nova presidenta da Asociación de Actores e Actrices de Galicia

A Asociación de Actores e Actrices de Galicia (AAAG) celebrou o pasado domingo unha asemblea xeral para escoller a nova Xunta Directiva que, durante os dous próximos anos, encabezará a este colectivo sindical que aglutina a máis de 300 profesionais da interpretación e da dirección. Tras o escrutinio, resultou elixida como nova presidenta Nieves Rodríguez, que sucede no cargo a Ernesto Chao. Pola súa banda, Mabel Rivera repetirá na vicepresidencia e Iria Sobrado, na secretaría. O conxunto da directiva, conformada por un total de 12 persoas, está integrada -ademais das tres actrices xa citadas- por Santi Romay, Laura Míguez, Machi Salgado, Sheyla Fariña, Diego Freire, Marta Lado, Martín Máez, Susana Sampedro e Toni Salgado. . Amplía a nova>>

Siguiente >>

Noticias|Reportaxes|Historia|Documentos|Certames|Boletíns|Como estar en AVG |Vantaxes de AVG |Avísanos

AVG | O soportal do audiovisual galego | culturagalega.org


Consello da Cultura Galega
Pazo de Raxoi, 2 andar. 15704 Santiago de Compostela (Galicia)
Tfno: 981957202 / Fax : 981957205 / e-mail: redaccion@culturagalega.org