|
|
 |
|
 |
|
FIN DE SEMANA |
FRAN MORELL Os 7 Fantásticos
O detective do sobrenatural Dylan Dog pasará do “fumetti” ao cine coa cara de Brandon Routh; o xénero de terror está tan en auxe en Hollywood que xa empezan a experimentar mesturándoo con outras fórmulas de éxito, así veremos templarios contra vampiros, e terror sobrenatural durante unha misión da CIA en Afganistán. Estas e outras moi interesantes noticias da fantasía e a ciencia ficción trae esta semana Fran Morell.
|
9/
5/
2008 
A revista “Retranca” celebra as Letras Galegas con múltiples actividades
A Letras Galegas son o eixe co que a revista de humor gráfico “Retranca” celebra a súa primeira Semana Retranqueira. Os eventos comezarán na mañá do vindeiro martes trece coa celebración de visitas guiadas pola mostra que sobre a publicación se pode ver estes días en Redondela. Xoves trasládase a festa a Vigo, onde a libraría Librouro acollerá, ás oito da tarde, unha presentación do número especial Letras da publicación. O día seguinte será Couceiro, en Compostela, a libaría que acolla unha sesión de sinaturas de autores coma Kiko da Silva, Jacobo Fernández, Andrés Meixide ou Luís Davila. E para despois está prevista na mesma cidade a celebración dunha cea entre os autores para conmemorar o Premio do Público que a revista levou no último Saló de Barcelona.
Ampliar nova >> |
|
9/
5/
2008
Martín Romero estrea web mentres se reseñan varios fanzines con participación galega
O autor galego afincado en Barcelona, Martín Romero, acaba de pór en marcha un novo espazo web no que se pode ver unha ampla mostra dos seus traballos en BD e ilustración. Ao tempo, tamén pola rede atopamos a ampla recensión que no xornal “El Correo” lle dedican ao Fanzine Enfermo, codirixido por Alberto Vázquez, e a “Argh!”, publicación que conta cunha nutrida representación galaica. Tamén o blog La Carcel de Papel recolle novos fanzines, entre os que se atopa o traballo de Brais Rodríguez para “Lunático”.
Ampliar nova >> |
|
7/
5/
2008
Presentacións, unha mostra e lectura na rúa son as vindeiras citas da novena arte
A libraría Banda Deseñada de Vigo prepara para esta fin de semena unha dupla presentación de novidades galegas. Os irmáns Jacobo e Norberto Fernández estarán a partir das oito da tarde deste sábado no local para dar a coñecer os seus últimos traballos “Aventuras de Cacauequi” e “O castelo regadeira”, respectivamente. Algo máis ao sur, en Beja, o xa coñecido festival de cadriños portugués contará a partir do vindeiro día dez coa exposición “Dez anos de BD Galega”, que coordinara a AGPI e xa se puido ver en “Viñetas desde o Atlántico”. Para rematar, no Porriño levan as Bds á rúa na iniciativa Bibliopraza, que anima aos cidadáns a se achegar á leitura na praza do Concello.
Ampliar nova >> |
|
|
|
2/
5/
2008
Alex Cal, Violeta e Kiko da Silva protagonizan cadansúa entrevista nos xornais
Desta volta é o “Faro das culturas” o que fai ao vigués Alex Cal protagonista dunha extensa entrevista. O autor fala dos seus traballos en Estados Unidos e adianta que lle gustaría traballar con personaxes propios se atopa editor. Ao tempo, a súa compañeira no colectivo Fuck Cómics, Violeta, explica en “La Voz de Galicia” o seu traballo no cómic erótico. Para rematar, “A Nosa Terra” recolle as opinións de Kiko da Silva como director da revista “Retranca” logo de levar o premio do público a mellor revista no Saló del Còmic de Barcelona.
Ampliar nova >> |
|
28/
4/
2008
A prensa galega acolle un bo feixe de artigos sobre BD na fin de semana
A banda deseñada galega ocupou boa parte da información cultural da fin de semana. No suplemento “Culturas” de “La Voz de Galicia” atopábamos o resumo da situación da BD galega ao abeiro da última edición do Saló de Barcelona. No seu “Menú de cultura rápida”, no mesmo xornal, Camilo Franco reflexiona sobre os éxitos dos nosos autores, ao igual que Miguelanxo Prado no suplemento de “El Correo Gallego”. Ata Xosé Luís Méndez Ferrín abordou en “No fondo dos espellos” (“La Opinión”) o argumento de “V de Vendetta”, aínda que centrándose máis na versión cinematográfica que na novela gráfica de Alan Moore e David Lloyd. A estes artigos súmanse aínda diferentes reseñas de obras recentes en diferentes medios e, uns días antes, a entrevista a Antonio Seijas que atopamos en “La Voz de Galicia” edición Ferrol.
Ampliar nova >> |
|
25/
4/
2008
Jacobo Fernández e Alex Cal protagonizan senllas entrevista na prensa e Prado expón en Avilés
A posibilidade de que a serie “North Wind”, que debuxa o vigués Alex Cal, sexa trasladada ao cinema, seduciu os compañeiros de “La Voz de Galicia” que inclúen na súa edición viguesa unha entrevista con este autor. Na sección de cultura do mesmo xornal podíamos ler onte un cuestionario a Jacobo Fernández encol do seu último lanzamento, “Aventuras de Cacacuequi”. Ao tempo, seguindo coa xira que semella que está a facer Miguelanxo Prado, atopamos que o autor estará presente hoxe mesmo en Avilés a través das páxinas que realizou para a versión en BD de “Pedro e o lobo”. A Casa de Cultura desta localidade organiza un concerto didáctico arredor desta obra musical de Prokofiev.
Ampliar nova >> |
|
25/
4/
2008
Unha banda deseñada de Xaquín Marín recrea a historia dos mártires de Carral
A coincidir co cabodano dos mártires de Carral, as emisoras municipais galegas están a desenvolver unha serie de actos de homenaxe. Entre as súas propostas está a publicación de 5000 exemplares dunha banda deseñada na que Xaquín Marín recrea, nunha soa páxina, o levantamento. A iniciativa comprende tamén unha emisión radiofónica o sábado 26 entre as doce da mañá e as dúas da tarde e que se poderá seguir na páxina radiofusion.eu.
Ampliar nova >> |
|
|
|
 |
REPORTAXES |
 |
Untitled Document
|
CERTAMES |
|
|
PUBLICACIÓNS |
|
|
Autores
alex cal 