Biografía
Coñecido guionista e subdirector de "Viñetas desde o Atlántico", é analista de BD desde 1983 cando ao fundar o fanzine "Interlinea" inclúe a sección de crítica "Nomofan". Tres anos despois lanza en Radio ECCA o programa sobre cómic "Arte Alfa". Na TV foi guionista e presentador do "Xabarín Club" como "O Doutor TNT". Guionizou a aclamada e inconclusa serie "Impresiones de la Isla" (2 nºs), con deseños de Fernando Iglesias, que lles valeu tres nominacións no Salón de Barcelona. Son obras súas "Kami Seeds" (ed.Camaleón, con Víctor Rivas e F. Iglesias), "Vox Populi" (tira con V. Rivas que durou cinco anos), as tiras semanais "Forest Hill" e "Guinsy" -esta chegaría a ser diaria- con Norberto Fernández para o Atlántico Diario. Asinou a segunda etapa de "Gorka" (ed.Planeta de Agostini), outra volta con F. Iglesias e esta vez tamén con Sergi San Julián. Entre 1995 e 2000 publicou con F. Iglesias a serie "O labirinto de pedra" no magazine "Compostelán". Igualmente con Iglesias, participou na antoloxía internacional "Comix2000". Colaborou con publicacións como "Krazy Comics", "Totem", "Frente Comixario" e "El País". Algunha historia escrita por él para deseños de Santiago Sequeiros viu a luz no álbum "La Mala Pena". Traballa para o mercado francobelga coa serie "Os Heresiarcas", con debuxos de Das Pastoras, publicada en EEUU baixo o nome "Deicide". Deste título unha contribución apócrifa viu a luz na nova etapa da revista "Metal Hurlant", que ademais serializou o segundo tomo. Bateu récord de vendas na editorial Glénat recuperando o personaxe de "Esther" con debuxos da autora Pura Campos. Participa na segunda etapa da revista BD Banda facendo tándem con F. Iglesias, que asina como Kohell.
Entrevista a Carlos Portela en Entrecomics (2007)
Premios
Premio Ourense ao mellor autor afeccionado 1991 da Casa da Xuventude de Ourense por "O voo da cometa", xunto con Fernando Iglesias, historia baseada nun relato de Ray Bradbury. Premio da Xunta por "Nosotros" realizada con deseños de Víctor Rivas. |
|
 |
|
|
2009
2008
2007
1997
