|
|
 |
|
|
|
Os 7 fantásticos por
Fran Morell
Últimas columnas publicadas
9 / 5 / 2008
O detective do sobrenatural Dylan Dog pasará do “fumetti” ao cine coa cara de Brandon Routh; o xénero de terror está tan en auxe en Hollywood que xa empezan a experimentar mesturándoo con outras fórmulas de éxito, así veremos templarios contra vampiros, e terror sobrenatural durante unha misión da CIA en Afganistán. Estas e outras moi interesantes noticias da fantasía e a ciencia ficción trae esta semana Fran Morell.
|
2 / 5 / 2008
Comezamos a repasar os feitos máis destacables do xénero fantástico co anuncio da posta a andar da gravación na localidade cántabra de Comillas dunha película de aires lovecraftianos con mansión misteriosa incluída. Fran Morell infórmanos tamén de outras moitas novas como os gañadores dos Premios Nébula deste ano, a serie de ciencia ficción Impact as novidades de caras na vindeira “Anxos e demos” e outras noticias.
|
25 / 4 / 2008
Fran Morell fai unha análise da diversa oferta que está preparase para os afeccionados á fantasía nas producións audiovisuais, comezando pola inquietante película española que se presenta hoxe nos cines, producida por Antonio Banderas. Ademais diso xa podemos abrir o apetito con datos sobre a vindeira serie de ciencia ficción e humor de Álex de la Iglesia para TV. E máis novas da man do editor da revista Nova Fantasía.
|
18 / 4 / 2008
A maxia de Harry Potter pasa polos xulgados para dirimir a publicación dunha enciclopedia da saga. Os Cronocrimes de Vigalondo estréanse na versión orixinal e prepáranse nunha versión á americana. O ánime xaponés Ghost in the shell pasará polas mans de Spielberg para acabar en imaxe real. Estas e outras noticias do fantástico na crónica de Fran Morell.
|
11 / 4 / 2008
O editor de Nova Fantasía ponnos ao día das máis recentes noticias do sector da fantasía. A ciencia –ficción vai conquistando cada día máis espazo nos estudios cinematográficos e tamén centra a crónica da semana. Numerosas adaptacións de obras literarias e de banda deseñada está a preparar a súa posta no celuloide, desde a apocalíptica “North Wind” ata as máis galácticas Babylon ou Hyperion. Na semana Morell tamén despide e recorda a Charlton Heston nas súas coñecidas achegas ao xénero.
|
4 / 4 / 2008
O “oscarizado” Kevin Spacey volverá poñerse na pel do malvado Lex Luthor na vindeira película da saga Superman. Esta noticia xunto cos gañadores dos premios Bram SToker de literatura de terror, as adapatación que a factoría Disney fará das historias de Stan Lee, Brad Pitt á busca dunha cidade perdida no Amazonas ou o percorrido xudicial dos dereitos hereditarios sobre Superman, pechando o círculo, conforman a actualidade da semana que presenta Fran Morell.
|
28 / 3 / 2008
Os tintinófilos están de noraboa. Steven Spielberg xa ten actor para a súa versión de Tintín e Fran Morell analiza os detalles da que promete ser unha das producións máis agardadas. E non faltaran fans tampouco que acudan con nostalxia á versión cinemátográfica de V, que se está a preparar. Os 7 fantásticos tamén nos adiantarán a colaboración entre Stephen King e o seu fillo Joe Hill.
|
|
|
|
|
 |
|
|
