|
|
 |
|
 |
|
FIN DE SEMANA |
FRAN MORELL Os 7 Fantásticos
O detective do sobrenatural Dylan Dog pasará do “fumetti” ao cine coa cara de Brandon Routh; o xénero de terror está tan en auxe en Hollywood que xa empezan a experimentar mesturándoo con outras fórmulas de éxito, así veremos templarios contra vampiros, e terror sobrenatural durante unha misión da CIA en Afganistán. Estas e outras moi interesantes noticias da fantasía e a ciencia ficción trae esta semana Fran Morell.
|
15/
5/
2008 
Alex Cal publica o último número de “North Wind” mentres chega un novo adianto de “Cuimhne”
Xa está dispoñible na rede o quinto e último número da serie “North wind” que debuxa o vigués Alex Cal para a americana Boom Studios. O autor adiántanos que nunha das páxinas do volume agochou unha bandeira galega, para quen queira facer a busca. Ao tempo, no blog “Desde mi mundo” adiántannos dúas novas páxinas da novela gráfica “Cuimhne”, que o editor adianta sairá para o vindeiro Viñetas desde o Atlántico.
Ampliar nova >> |
|
15/
5/
2008
Carral, Ames e Portomarín coñecen a BD mentres na Coruña celebran Xornadas de Anime
Carral celebra mañá o seu I Obradoiro de Banda Deseñada. Manel Cráneo será o responsable de iniciar á novena arte, na Oficina de Información Xuvenil, aos interesados. Ao tempo, o instituto de Bertamiráns, en Ames, acolle a mostra dos traballos premiados no certame Castelao de BD dos últimos anos. En Portomarín o colexio Virxe da Luz organizou Portocómic 2008, unha mostra de máis de 200 obras. Para rematar, a Faculdade de Informática da Coruña celebra este semana as súas III Xornadas de Anime con proxeccións, sorteos e un crédito de libre configuración para os asistentes.
Ampliar nova >> |
|
12/
5/
2008
Alberto Vázquez e Brais Rodríguez participan en salóns de BD en Bos Aires e A Paz
“Viñetas con altura” é o nome do encontro sobre BD que entre o 2 e o 23 deste mes está a se celebrar na Paz, Bolivia. O evento conta coa presenza dos galegos Alberto Vázquez e Brais Rodríguez. Este último autor imparte mañá mesmo, martes 13 unha conferencia sobre autoedición, e participa mércores na mesa “Comercial e Independente ¿Cal é diferenza?”. O mesmo día, Vázquez participa no foro “Arte de Galería Vs Ilustración” e comeza un obradoiro sobre recursos estilísticos aplicados á ilustración e á BD. A partir do día 20 os dous autores estarán presentes no festival “Viñetas sueltas” que se celebra ata o vindeiro 25 en Bos Aires. Os galegos participarán na mesa redonda “Mundos editoriais” e achegarán a exposición conxunta “Dos veces gallegos”. Tamén dentro do programa, Vázquez repetirá o obradoiro que imparte en Bolivia.
Ampliar nova >> |
|
9/
5/
2008
A revista “Retranca” celebra as Letras Galegas con múltiples actividades
A Letras Galegas son o eixe co que a revista de humor gráfico “Retranca” celebra a súa primeira Semana Retranqueira. Os eventos comezarán na mañá do vindeiro martes trece coa celebración de visitas guiadas pola mostra que sobre a publicación se pode ver estes días en Redondela. Xoves trasládase a festa a Vigo, onde a libraría Librouro acollerá, ás oito da tarde, unha presentación do número especial Letras da publicación. O día seguinte será Couceiro, en Compostela, a libaría que acolla unha sesión de sinaturas de autores coma Kiko da Silva, Jacobo Fernández, Andrés Meixide ou Luís Davila. E para despois está prevista na mesma cidade a celebración dunha cea entre os autores para conmemorar o Premio do Público que a revista levou no último Saló de Barcelona.
Ampliar nova >> |
|
9/
5/
2008
Martín Romero estrea web mentres se reseñan varios fanzines con participación galega
O autor galego afincado en Barcelona, Martín Romero, acaba de pór en marcha un novo espazo web no que se pode ver unha ampla mostra dos seus traballos en BD e ilustración. Ao tempo, tamén pola rede atopamos a ampla recensión que no xornal “El Correo” lle dedican ao Fanzine Enfermo, codirixido por Alberto Vázquez, e a “Argh!”, publicación que conta cunha nutrida representación galaica. Tamén o blog La Carcel de Papel recolle novos fanzines, entre os que se atopa o traballo de Brais Rodríguez para “Lunático”.
Ampliar nova >> |
|
7/
5/
2008
Presentacións, unha mostra e lectura na rúa son as vindeiras citas da novena arte
A libraría Banda Deseñada de Vigo prepara para esta fin de semena unha dupla presentación de novidades galegas. Os irmáns Jacobo e Norberto Fernández estarán a partir das oito da tarde deste sábado no local para dar a coñecer os seus últimos traballos “Aventuras de Cacauequi” e “O castelo regadeira”, respectivamente. Algo máis ao sur, en Beja, o xa coñecido festival de cadriños portugués contará a partir do vindeiro día dez coa exposición “Dez anos de BD Galega”, que coordinara a AGPI e xa se puido ver en “Viñetas desde o Atlántico”. Para rematar, no Porriño levan as Bds á rúa na iniciativa Bibliopraza, que anima aos cidadáns a se achegar á leitura na praza do Concello.
Ampliar nova >> |
|
|
|
2/
5/
2008
Alex Cal, Violeta e Kiko da Silva protagonizan cadansúa entrevista nos xornais
Desta volta é o “Faro das culturas” o que fai ao vigués Alex Cal protagonista dunha extensa entrevista. O autor fala dos seus traballos en Estados Unidos e adianta que lle gustaría traballar con personaxes propios se atopa editor. Ao tempo, a súa compañeira no colectivo Fuck Cómics, Violeta, explica en “La Voz de Galicia” o seu traballo no cómic erótico. Para rematar, “A Nosa Terra” recolle as opinións de Kiko da Silva como director da revista “Retranca” logo de levar o premio do público a mellor revista no Saló del Còmic de Barcelona.
Ampliar nova >> |
|
|
|
 |
REPORTAXES |
 |
Untitled Document
|
CERTAMES |
|
|
PUBLICACIÓNS |
|
|
Autores
alex cal 