Foi un dos impulsores de “Xofre”, unha das publicacións pioneiras do cómic en Galicia, en 1979. Ilustrou o seu primeiro libro en 1981 e ten feito máis de setenta para diversas editoriais españolas. Colaborou con publicacións como "Can sen Dono" e "Golfiño". No verán do ano 2000 publicou o seu primeiro álbum de banda deseñada, "Cita na Habana", ambientado na Guerra da Independencia de Cuba. O segundo volume deste título, “Campos de Cuba”, saíu á luz no 2004. A serie cubana de Fran Jaraba reflicte con precisión histórica o conflitivo periodo da emancipación da colonia española.

“Cita na Habana” é unha aventura de coidada ambientación histórica que transcorre na Guerra da Independencia de Cuba. Un soldado enrólase no exército por unha cuestión de namoramento. Editado en galego e paralelamente en castelán ("Cita en la Habana").