Naceu en Celanova en 1851. Escritor e xornalista. Chegou a Cuba en 1894. No mesmo ano da súa chegada fundou o semanario La Tierra Gallega. Desde as páxinas deste xornal Curros mantivo intensas polémicas con Waldo Álvarez Insua, á súa vez director do semanario El Eco de Galicia. A política seguida polo Centro Gallego e a construción da casa de saúde “La Benéfica” estaban no cerne da polémica. La Tierra Gallega desapareceu en 1896 tras sufrir dúas sancións gobernativas. Posteriormente, Curros traballou como redactor do xornal Diario de la Marina. En 1905 Curros foi elixido presidente da comisión xestora da “Asociación Iniciadora y Protectora de la Real Academia Gallega”, entidade clave para a fundación da Academia Galega en 1906. Faleceu na Habana en 1908.