Naceu en Ferrol en 1865. Impresor. Chegou a Cuba na compaña de seus pais. En 1886 fundou, xunto con Secundino Cora, a publicación mensual Revista de Galicia. Foi bibliotecario da sección de instrución do Centro Gallego. Presidente da sociedade “Unión Redencionista Gallega”. En 1905 tivo un papel fundamental na fundación da “Asociación Iniciadora y Protectora de la Real Academia Gallega”, entidade clave para a fundación da Academia Galega en Galiza. Tamén participou activamente na constitución da sociedade “Ferrol y su Comarca”. Destacado bibliofilo, chegou a reunir unha biblioteca de máis de tres mil volumes. En 1917 foi comisionado polo Centro Gallego para acompañar a Galiza as cinzas do mestre “Chané”. Faleceu na Habana en 1919.