Naceu na Coruña o 27 de setembro de 1886. Musicóloga, directora de coros, pianista e animadora cultural. Chegou á Habana tras casar con Antonio Quevedo. En 1920 comeza a impartir concertos na capital de Cuba, estabelecéndose tamén como mestra de música. En 1923 fundou a “Escuela Filarmónica Nacional”. En 1925 creou o Conservatorio “Bach” e no ano 1928 comezou a editar, xunto co seu home , a revista Musicalia. Foi a creadora en 1931 da “Sociedad Coral de La Habana” e no ano 1934 da “Sociedad Musical Universitaria” e posteriormente da “Coral de la Universidad de La Habana” e da “Coral del Colegio de las Dominicas Francesas”. Foi editora, xunto a Juan Ramón Jiménez da revista “Presencia” (1938). Faleceu na Habana en 1947.

Máis información no Album de Mulleres