Naceu na Habana en 1887. Filla do emigrante José Vieito natural de Roupar (Xermade-Lugo). Destacou como xornalista e colaboradora da prensa galega en Cuba. No “Diario Español” tiña unha sección fixa que levaba o nome de “Párrafos Gallegos”. Pertenceu á redacción da revista “Galicia” na Habana. Nesta revista destacan os seus escritos en defensa da emigrante galega, excluída das principais institucións societarias da emigración galega na Habana, como o “Centro Gallego”. Participou noutras publicacións: “Follas Novas”, “Boletín de Ferrol y su Comarca”, “Eco de Galicia” e “Heraldo de Galicia”. Tivo moito que ver no nacemento e actividade das sociedades galegas como “Alianza Aresana”, “La Aurora de las Somozas”, “Sociedad Emilia Pardo Bazán”.