Descarga aquí o pdf "Diario de la Marina"

O Diario de la Marina ocupa un lugar sobranceiro na historia da prensa cubana. O seu primeiro director foi Isidoro Araujo de Lira, emigrante natural de Bouzas (Vigo). O xornal viu a luz en 1832 co nome de Noticioso y Lucero. En 1844 o periódico mudou a cabeceira, pasando a denominarse Diario de la Marina. Con este nome publicouse até 1960, ano no que desaparece no contexto da Revolución cubana. O rotativo foi sempre representante dos intereses conservadores e oligárquicos. Até 1898 defendeu a españolidade da illa de Cuba, pasando a partir de entón a ser valedor dos sectores cubanos máis conservadores. Desde que en 1895 o emigrante asturiano Nicolás Rivero asumira a dirección do xornal, Diario de la Marina permaneu nas mans da familia Rivero, que o mantivo como primeiro periódico de Cuba. Á súa redacción pertenceron destacados emigrantes galegos, caso de Ramón Armada Teijeiro, Manuel Curros Enríquez ou Ramón Fernández Mato.