Descarga aquí o pdf "El Eco de Galicia "


El Eco de Galicia foi o primeiro gran xornal galego na emigración. O seu primeiro exemplar saíu o 8 de marzo de 1878 e os seus derradeiros números editáronse en 1902. O nacemento e a evolución deste xornal están estreitamente vencelladas á vida do seu director, o estrandense Waldo Álvarez Insua. A este emigrante correspóndelle a honra de ser o iniciador do Centro Gallego desde as páxinas do xornal. El Eco de Galicia era un xornal escrito en castelán, con colaboracións literarias en galego. Entre as súas seccións destacaban os comentarios da vida societaria galega en Cuba (Centro Gallego e Sociedad de Beneficencia de Naturales de Galicia), as noticias locais de Galicia e unha ou dúas páxinas de publicidade dos principais negocios galegos da Habana.