Do “Misterio das sete pezas” reproducíronse unhas 2.000 unidades que se repartiron, con material de axuda, nos colexios do Concello de Santiago. Un material didáctico a través do que os rapaces puideron xogar, de xeito normalizado, cun videoxogo feito en Galicia, en galego e con iconos culturalmente recoñecibles por todos.

Unha experiencia positiva que deixou bo sabor de boca entre o alumnado (principal destinatario), profesorado, e, como non entre os seus creadores.

“O Misterio” foi unha pequeño rapaz ó que se lle foi dando de comer pouco a pouco. De feito, desde o proxecto orixinal ata o resultado final, houbo notables evolucións, que se derivaron do interese e da motivación dos propios creadores. Tanto motivou e ilusionou ó equipo de Imaxin que repetirían, sen dubidar, a experiencia. Ata tal punto que todo o equipo pensan en que Ana (ou sexa ti) podería resolver moitos máis enigmas, con novos amigos, compañeiros e situacións.