Os premios María Casares á mellor música para teatro nas edicións de 1999 e 2000, son respaldo máis que suficiente para avalar a calidade e a traxectoria do músico Vicente Luís Sanz Muñoz.

O onubense “Piti” Sanz, compostelán de adopción, é o creador da banda sonora da serie A Palabra no Tempo, unha producción para a que se inspirou nos sons da terra e nos instrumentos típicos de cada unha das localizacións deste documental.

Con a penas 35 anos, é responsable doutra vintena de composicións para teatro, cine e televisión, que lle valeron unha nominación para os premios Agapi de 1999 pola mellor música orixinal para cine. Intérprete, compositor, técnico de son ou locutor de radio, son só algúns dos exemplos da multidisciplinariedade deste artista, responsable das melodías que acompañan os capítulos da Palabra no Tempo e que agora podes descargar.