Foi o Ministerio de Información e Turismo o que aprobou en 1963 que o día 17 de maio fose considerado oficialmente o Día das Letras Galegas. Un fito histórico para as letras galegas que tiña a súa orixe no pleno celebrado na Real Academia Galega o 20 de marzo dese mesmo ano. Foi entón cando tres membros da RAG fixeron unha proposta de crear unha data para recoller o pulo de toda a actividade intelectual que se estaba a xestar en Galicia.

E precisábase unha data, un día no que celebrar a homenaxe. E os académicos decidiron escoller unha ben simbólica: o 17 de maio. Foi neste día cando Rosalía lle fixo unha dedicatoria á escritora Fernán Caballero da súa obra "Cantares gallegos" . E non só iso, apúntase que é posible que esta data tamén garde relación coa vida privada de Rosalía, xa que coincide co trinta aniversario do seu marido, Manuel Murguía.

E foi en 1963 porque é nese ano cando se cumpría o centenario da publicación de "Cantares Gallegos". Obra que está considerada o punto de inflexión da situación de esmorecemento dos séculos escuros e o inicio do Rexurdimento.

Desde esta celebración a Real Academia acrodou que, de aquí adiante se adicará un día á cultura galega con un autor que se ía escollendo cada ano. E con este motivo a Academia reedita algúna obra do autor homenaxeado e unha escolma dos seus traballos.

Desde 1963 a lista de homenaxeados foi a seguinte