Exemplo de boletín diario de culturagalega.org
CULTURAGALEGA.ORG - NOVAS
[Contidos culturais para xente enredada]
http://www.culturagalega.org
===================================
Xoves, 23 de Maio de 2002
===================================
HOXE NA CULTURA
1. O primeiro texto en galego é 40
anos máis antigo que os coñecidos ata agora
2. O equipo de Senén ponse a andar e na Coruña comeza
o proceso electoral
3. Redondela e Monção irmándanse mediante as súas
festas da Coca
4. A Xunta presenta un informe que revela que o audiovisual factura
150 millóns anuais
________________
HOXE NA CULTURA
1. O primeiro texto en galego é 40
anos máis antigo que os coñecidos ata agora
Trinta e nove anos máis, aproximadamente, de antigüidade
documentada na escrita é o que veñen de obter o galego
e o portugués coa descuberta dun texto redactado no noso idioma
en 1175. A descuberta foi presentada onte polo profesor de Filoloxía
Xosé Antonio Souto Cabo, durante unha xuntanza internacional
de filólogos que se desenvolveu en Braga estes días. Mentres,
está convocada para o sábado a xuntanza convocada pola
Mesa pola Normalización Lingüística para reflexionar
sobre o futuro da nosa lingua, e en Pontevedra vén de iniciarse
o congreso dedicado á figura de Frei Martín Sarmiento.
http://www.culturagalega.org/lliteratura/0502/llit_23052_1.htm
2. O equipo de Senén ponse a andar e na Coruña comeza
o proceso electoral
Uns veñen e outros van. En plena resaca das eleccións
electorais celebradas na Universidade de Santiago, o equipo de Senén
Barro comeza a ocupar os seus cargos, mentras se comezan a coñecer
os resultados do Claustro. E, mentres se completa o período electoral
da USC, a outra universidade que quedaba por convocar eleccións,
a da Coruña, abre o seu proceso coa publicación dos censos
definitivos nas facultades e escolas da cidade herculina.
http://www.culturagalega.org/sociedade/0502/soc_23052_1.htm
3. Redondela e Monção irmándanse mediante as súas
festas da Coca
As festas que recrean os ataques de senllos dragóns ou bestas
míticas ás vilas de Redondela e Monção serán
un dos puntos máis apoiado no irmandamento entre estas dúas
vilas. Aínda que a relación transfronteiriza estableceuse
hai xa dous anos, sera a paritr deste mes cando se inicien as actividades
comúns. E outra festa que se verá reforzada é a
da Dorna de Ribeira, que celebrará finalmente a súa quinquaxésimo
cuarta edición gracias á mobilización popular acadada
pola asociación organizadora.
http://www.culturagalega.org/sociedade/0502/soc_23052_2.htm
4. A Xunta presenta un informe que revela que o audiovisual factura
150 millóns anuais
Hai uns meses a Xunta anunciaba que concentraría os seus esforzos
para relanzar o audiovisual e para iso implicaría liñas
de actuación que afectasen a varias consellerías. Primeiro
foi a de Industria, que a través do IGAPE, anunciaba a creación
de axudas e de liñas de crédito para fomentar e impulsar
o financiamento de proxectos audiovisuais. Agora toma o relevo a Consellería
de Familia que inaugurou unha xornada de presentación sobre o
"Estudio de necesidades formativas no sector Audiovisual en Galicia"
. Unha xornada na que o presidente da Xunta de Galicia aproveitou para
facer público un estudio elaborado conxuntamente co Asociación
Galega de Productoras Audiovisuais (Agapi) que o audiovisual galego
facturaba 150 millóns de euros anuais.
http://www.culturagalega.org/espectaculos/0502/esp_23052_1.htm
Un saúdo da redacción.
Culturagalega.org
[Contidos culturais para xente enredada]
Consello da Cultura Galega
Pazo de Raxoi, 2º andar
15705 Santiago de Compostela
Telf: +34 981569020
Fax: +34 981 588699
E-mail: redaccion@culturagalega.org
