A canle de noticias culturais http://www.culturagalega.org/bd/ 2010-03-19T01:44:33+01:00 http://www.culturagalega.org http://www.culturagalega.org/imaxes/footer/titulo.gif text/html culturagalegaorg Redaccion http://www.culturagalega.org/noticia.php?soportal=bdg&id=15980 ¿Que é unha banda deseñada? ¿Cales son as diferenzas entre o cómic estadounidense, o manga xaponés e a BD Franco-belga? As respostas a estas e outras consultas están no <i>Manual de emerxencia de banda deseñada</i>. Unha publicación de 48 páxinas que reparte o seu contido en catro seccións: estudo de mercado, proceso de creación, recursos gráficos e materiais. Un manual didáctico e de libre distribución creado por Gochi, que se usará na campaña de obradoiros 2010 que desenvolverá a Asociación Cerditos de Guinea. text/html culturagalegaorg Redaccion http://www.culturagalega.org/noticia.php?soportal=bdg&id=15243 Hoxe no festival de cómic brigantino o premio nacional de cómic Paco Roca falará para o público entre as 18:15 e as 19:30, no segundo andar do céntrico Kiosco Alfonso. Despois tocaralle quenda á inglesa Posy Simmonds, que presentará o seu "Tamara Drew" recén publicado en castelán. Será das 19:45 ás 21:00 horas. Mais non remata aí a actividade. text/html culturagalegaorg Redaccion http://www.culturagalega.org/noticia.php?soportal=bdg&id=15227 Nunha entrevista en El País a propósito do arranque de Viñetas desde o Atlántico, Miguelanxo Prado adianta datos da banda deseñada que está a realizar. Titularase <i>Ardalén</i>, terá formato de novela gráfica e unha extensión 170 páxinas, das que leva feitas 16. O autor coruñés conta con acabar esta historia arredor da memoria persoal dentro de dous anos. No entanto, os diversos medios de comunicación do país e do Estado continúan a seguir o desenvolvemento do festival de BD da Coruña. text/html culturagalegaorg Redaccion http://www.culturagalega.org/noticia.php?soportal=bdg&id=15226 A filial española da editorial francesa Glenat publicará en breve a triloxía <i>Cita na Habana</i> de Fran Jaraba, nun único volume baixo o título <i>De sangre y ron. Mi Cuba</i>. Deste xeito, péchanse as negociacións que o autor estivo mantendo coa editorial desde o Salón do Cómic de Barcelona. A obra, de coidada ambientación histórica, conta a historia dun soldado que se enrola no exército por unha cuestión de namoramento. <i>Cita na Habana</i> fora editada en galego no seu momento por Xerais. A nova edición de Glénat non conterá material inédito propiamente dito, mais Jaraba retocou algunhas páxinas da obra e redebuxou e deu cor de novo a outras. Ademais o volume levará textos explicativos da Guerra de Cuba e comentarios do autor. Agárdase que <i>De sangre y ron</i> saia publicado para finais de ano, probablemente como novidade de luxo para o Nadal, en palabras do coordenador editorial Hernán Migoya. text/html culturagalegaorg Redaccion http://www.culturagalega.org/noticia.php?soportal=bdg&id=15206 O premio nacional de cómic <i>Arrugas</i> do valencián Paco Roca vai ter versión cinematográfica con participación galega na produción. Por este proxecto de Perro Verde Films S.L., a Axencia Galega das Industrias Culturais ven de concederlle á empresa 400.000 euros, o importe máis alto dos outorgados. As subvencións desta convocatoria da Xunta de Galicia están destinadas para "producións ou coproducións audiovisuais en lingua galega con decidido contido artístico e cultural". Concedéronse tamén cincuenta mil euros a <i>A muller do Eternauta</i>, documental sobre a viúva do desaparecido debuxante Héctor Oesterheld. Non é a primeira vez que esta produción de Frida Films acada unha axuda pública, xa que para o seu desenvolvemento se lle deron o ano pasado máis de trece mil euros. Nos últimos tempos foron varios os proxectos vencellados dalgún xeito coa BD que obtiveron cartos públicos do sector audiovisual. En 2008 destináronse 15.000 euros ao desenvolvemento do guión da adaptación animada do álbum <i>Psiconautas</i> de Alberto Vázquez. A través da convocatoria de produción, o documental de TV Siete sobre autores de BD <i>Na procura da besta</i> recibiu 35.000 € en 2007. Na mesma quenda <i>Estigmas</i>, adaptación da novela gráfica de Piersanti e Mattotti coproducida pola coruñesa IB Cinema, ingresou 90.000 euros. Mesmo se ten dado o caso de guións subvencionados que acabaron sendo BD en vez de película, como <i>A conta atrás</i>, con 11.000 euros en 2006. text/html culturagalegaorg Redaccion http://www.culturagalega.org/noticia.php?soportal=bdg&id=15184 O debuxante vigués Álex Cal, convidado á edición deste ano de Viñetas desde o Atlántico, asina un novo título de acción para o mercado americano. Trátase de <i>G.I.Joe Origins</i> nº7, con guións de Chuck Dixon. Verá a luz o vindeiro mes de setembro baixo a editorial IDW. Prevese que ao longo dos próximos meses saian ata catro cómics máis da franquía bélica debuxados polo ilustrador galego. <br>Máis axiña estará á disposición dos lectores o novo título de Álvaro López. O deseñador coruñés compila neste seu novo <i>Habitación 13</i> os capítulos que viñera publicando na revista <i>Barsowia</i>. Ademais do prólogo que saira en 2006 no tomo <i>Barsowia en Llamas</i>, a publicación de 36 páxinas recollerá un epílogo inédito e levará unha chapa de agasallo. Estará á venda en Viñetas desde o Atlántico a partir do 10 de agosto. text/html culturagalegaorg Redaccion http://www.culturagalega.org/noticia.php?soportal=bdg&id=15169 Faltan menos de dúas semanas para que comece <i>Viñetas desde o Atlántico</i>, o salón da banda deseñada coruñés, e a organización deu a coñecer onte os nomes dos convidados desta ocasión. Un encontro que contará coa presenza de moitos autores do Estado, entre os que se atopa o premio nacional de Cómic, Paco Roca, xunto ao veterán Pasqual Ferry, Enrique V. Vegas e Jose Fonollosa. Canda eles, o cómic europeo estará representado por dous clásicos, o francés André Juillard e o italiano Vittorino Giardino, e mais a exitosa autora inglesa Posy Simmonds. Nesta edición a organización destaca a atención que lle prestará ao cómic americano do século XX. Nesta liña contará coa presencia de Scott McCloud, máis coñecido como ensaísta de banda deseñada. Con el estarán os galegos Álex Cal e Emma Ríos que nestes momentos está a traballar para o mercado americano. Completa esta aproximación unha exposición comisariada por Jaume Vaquer que percorre a historia do cómic book dos EEUU. text/html culturagalegaorg Redaccion http://www.culturagalega.org/noticia.php?soportal=bdg&id=15167 Obras orixinarias do mercado europeo francófono serán editadas en galego co gallo de Viñetas desde o Atlántico. A editorial pontevedresa Faktoría K publica <i>Como facer un cómic</i>, un álbum no que Lewis Trondheim e Sergio García explican as claves narrativas da banda deseñada. Sairá tanto en castelán como en galego. No entanto, a coruñesa Cerditos de Guinea distribuirá os primeiros tomos de senllas coleccións europeas: <i>Os Cinco Loitadores</i>, sobre un quinteto de enmascarados que practican a loita libre, e mais <i>Gárgolas</i>, coas aventuras máxicas dun rapaz. Noutra orde de cousas, Edicións do Cumio prepara o cuarto volume da serie xaponesa <i>Bícame Profe</i>, mais non estará preparado para Viñetas desde o Atlántico e sairá en setembro. text/html culturagalegaorg Redaccion http://www.culturagalega.org/noticia.php?soportal=bdg&id=15161 Tras os números de anos anteriores adicados a Miguel Robledo e Roque Romero, agora tócalle quenda a Javier Olivares. O madrileño é o autor do <i>Sketchbook</i>, nº3 que Polaqia publicará para o festival de banda deseñada da Coruña. Xunto a este caderno de debuxos de 48 páxinas, o 10 de agosto a asociación galega tamén estreará o <i>Barsowia</i> nº14, con capa de Sergio Covelo. Aos autores que xa viñan colaborando súmanse novas fichaxes como o neozelandés Dylan Horrocks, os americanos Jesse Jacobs e Connor Willumsen e os españois Fermín Solís, Juan Berrio, Javi Rey e Martín López. Nas 108 páxinas da publicación tamén participa Miguel B. Núñez, autor de <i>El corazón de los árboles</i> editado no pasado Salón do Cómic de Barcelona. Ademais das novidades editoriais, Polaqia porá á venda senllas láminas a toda cor de Emma Ríos e David Rubín. text/html culturagalegaorg Redaccion http://www.culturagalega.org/noticia.php?soportal=bdg&id=15137 As XIV Xornadas de Cómic de Avilés contarán con imaxe galega. O autor vigués Norberto Fernández é o responsable de ilustrar o cartel desta edición e acudirá ademais coma convidado ao evento. Canda a el, estarán presentes figuras de primeira liña internacional coma Etienne Davodeau ou Zeina Abirached entre outros. As xornadas celébranse entre o 7 e o 12 de setembro.
Warning: Unknown: 1 result set(s) not freed. Use mysql_free_result to free result sets which were requested using mysql_query() in Unknown on line 0