Noticias sobre a musica en Galicia mega/ 2012-05-16T17:19:55+01:00 http://www.culturagalega.org imaxes/footer/titulo.gif text/html 2012-05-10T23:00:00+01:00 culturagalegaorg MEGA | música en galicia mega/noticia.php?soportal=rcg&id=20896 Unha das citas máis veteranas dos sons clásicos en Galicia, o Festival de Música Cidade de Lugo 2012- Semana de Música do Corpus, presenta este ano a súa 40 edición, na que se busca darlle máis protagonismo a formación locais. A Sociedade Filharmónica Lucense coordina un programa que inclúe os concertos de Forma Antiqua, Sergei Yerokhin, a Orquestra Sinfónica de Burgos, o grupo vocal Sólo Voces, La Bellemont, Tercia Realidad e Julia Doley e mais Thomas Demenga & Patrick Demenga. Canda a eles, o programa para nenos achega a actuación da Orquestra de Nenos da Orquestra Sinfónica de Galicia e mais a representación do ballet <i>O Crebanoces</i> a cargo dos alumnos do Conservatorio de Danza de Lugo. text/html 2012-05-09T23:00:00+01:00 culturagalegaorg MEGA | música en galicia mega/noticia.php?soportal=rcg&id=20890 A sede do Consello da Cultura Galega en Compostela acolle ás cinco desta tarde a presentacón de <i>Dezaseis cancións para voz e piano. XXV anos da Asociación Galega de Compositores</i>, co que se conmemora o aniversario deste colectivo. No acto Carlos Villar-Taboada falará sobre <i>A Asociación Galega de Compositores e a Música Contemporánea en Galicia (1987-2012)</i>. text/html 2012-05-09T23:00:00+01:00 culturagalegaorg MEGA | música en galicia mega/noticia.php?soportal=rcg&id=20886 Conseguiron, en plenos anos oitenta, que un tema en galego chegase ao número un das listas de éxitos estatais. Expresións presentes nas súas cancións integráronse na fala popular. Anovaron no pop-rock feito na nosa lingua. Agora, trinta anos despois do seu nacemento, unha masiva homenaxe amosa a importancia da pegada que Os Resentidos deixaron na nosa cultura. Analizamos a súa influencia. text/html 2012-05-08T23:00:00+01:00 culturagalegaorg MEGA | música en galicia mega/noticia.php?soportal=rcg&id=20882 Logo de se constituír como asociación profesional, o colectivo Músicos ao vivo acaba de emitir un comunicado no que reivindica un maior papel na coordinación dos circuítos musicais que coordina a Axencia Galega das Industrias Culturais. A asociación denuncia que os músicos non se teñen en conta á hora de organizar programas como a Rede Galega de Música ao Vivo, e reclama que se garanta que todos os intérpretes que participan nos mesmos estean dados de alta na seguridade social. text/html 2012-05-08T23:00:00+01:00 culturagalegaorg MEGA | música en galicia mega/noticia.php?soportal=rcg&id=20880 Para mediados deste mes está previsto que chegue ás tendas <i>aCadaCanto</i>, o novo proxecto musical que aúne o talento de Guadi Galego e Xabier Díaz (voz), Guillerme Fernández (guitarra) e Xosé Lois Romero (acordeón). O proxecto presenta trece temas, na súa maior parte orixinais, que se combinan con pegadas da música tradicional. Os dous primeiros singles do disco, <i>Teu nome por mar e terra</i> e <i>Desafío</i> están dispoñibles na rede. O disco está editado baixo o selo Músicas de Salitre. text/html 2012-05-07T23:00:00+01:00 culturagalegaorg MEGA | música en galicia mega/noticia.php?soportal=rcg&id=20869 A sala Josfer de Ordes acollía o pasado sábado a presentación de <i>Vaise armar</i>, o sexto traballo de Zënzar. O disco autoeditado supón, segundo o grupo, un traballo maduro musicalmente e aberto a ritmos que se foron incorporando ao seu repertorio. Rock con letras combativas que teñen en moitos casos na crise económica e nos recortes sociais o seu eixe. Loli Nogueira colabora co grupo no tema <i>Contigo e sen ti</i>, e queda espazo para que a banda bote a vista á súa traxectoria en <i>Todo vai ben</i>. O MySpace do grupo achega unha selección dos temas para a súa escoita en liña. text/html 2012-05-07T23:00:00+01:00 culturagalegaorg MEGA | música en galicia mega/noticia.php?soportal=rcg&id=20868 O Jazz está de actualidade. Logo da celebración, o pasado día 30 do día internacional dedicado a este xénero musical, o vindeiro mércores ás 13 horas, o Conservatorio Superior de Música da Coruña presentará a primeira promoción de titulados de jazz de Galicia. No acto presentarse o DVD do espectáculo <i>Galitalia Jazz Meeting</i> na que paraticipou a big band do conservatorio, dirixida por Kin García, e actuará esta formación. text/html 2012-05-06T23:00:00+01:00 culturagalegaorg MEGA | música en galicia mega/noticia.php?soportal=rcg&id=20818 Malia a que a desaparición de Falcatruada, a casa que o viu nacer, facía pensar no final da actividade, Azos Jazz dá mostras da súa vitalidade lanzando dúas novidades. O selo que conta coa dirección artística de Abe Rábade retorna logo de dous anos con <i>Experianza</i>, de Alberto Vilas Quinteto e mais <i>Bill Goodwin Quartet Live in Santiago</i>. text/html 2012-05-03T23:00:00+01:00 culturagalegaorg MEGA | música en galicia mega/noticia.php?soportal=rcg&id=20852 Logo dunha extensa traxectoria nos escenarios, o grupo pontevedrés Funk'n Bastards presenta o seu primeiro disco. <i>Brainstorming</i> presenta unha serie de temas nos que, sobre unha base de funk cantada en inglés vanse engadindo elementos de rock, blues ou bossanova entre outras correntes. Logo da presentación do álbum, autoeditado, o pasado 27 de abril na Fábrica de Chocolate (Vigo) o grupo prevé continuar coas presentacións do proxecto. Está dispoñible xa na rede unha mostra do traballo, así como a primeira maqueta do conxunto, que se pode descargar de xeito íntegro. text/html 2012-05-02T23:00:00+01:00 culturagalegaorg MEGA | música en galicia mega/noticia.php?soportal=rcg&id=20844 <i>Todo lo que vamos dejando atrás</i> é o título do terceiro disco do grupo ourensán Burgas Beat. Manténdose no seu estilo pop, o conxunto presenta nove temas nos que destaca unha aposta pola electrificación do son do grupo. Gravado nos estudos Abrigueiro de Friol, o proxecto está editado en vinilo e en CD da man de Peggy Records, Rock Indiana e Qué Queres Edicións. O Café Cultural Auriense, de Ourense, acolle o vindeiro 5 de maio o concerto de presentación deste traballo. text/html 2012-05-01T23:00:00+01:00 culturagalegaorg MEGA | música en galicia mega/noticia.php?soportal=rcg&id=20842 O vindeiro 21 de maio comeza na Cidade da Cultura unha nova edición dos seráns do TAC. Desta volta, o Taller Atlántico Contemporáneo achegará, ao longo de cinco concertos, o traballo de Varèse, Schoenberg, Cage, Raquel García Tomás ou Eduardo Soutullo, facendo unha aproximación á música máis vangardista. Cada un dos recitais estará introducido por un monólogo a cargo de Carlos Blanco, Quico Cadaval e Julián Hernández, e completarase coa degustación de tapas de alta cociña a cargo de recoñecidos establecementos como Abastos 2.0, Eirado de Leña, Pepe Solla, Culler de Pau e Yayo Dacosta. As entradas están xa á venda a un prezo de 5 euros. text/html 2012-04-29T23:00:00+01:00 culturagalegaorg MEGA | música en galicia mega/noticia.php?soportal=rcg&id=20808 Un jazz con fortes pegadas do son americano dos anos 40, 50 e 60. Altas doses de improvisación con músicos chegados de xéneros como o blues, o tango ou a música clásica entre outros que se agrupan arredor do músico que nomea o proxecto. <i>Experianza</i>, o álbum debut de Alberto Vilas Quinteto chega ás tendas da man do selo Azos Jazz, coordinado por Abe Rábade. O pub Clavicémbalo, de Lugo, acolle o venres 27 de abril o comezo da xira de presentación da obra, que continuará polo Porriño (30 de abril), A Coruña (2 de maio) e O Grove (5 de maio). text/html 2012-04-26T23:00:00+01:00 culturagalegaorg MEGA | música en galicia mega/noticia.php?soportal=rcg&id=20823 Os antigos terreos da Cidade dos Muchachos en Bemposta, Ourense, acollerán a nova edición do festival Reperkusión de Allariz entre 17 e o 19 de maio. O evento mantén o seu programa, no que destaca a presenza de Manu Chao, e montará unha carpa de circo de 3.000 metros cadrados para albergar as preto de 40 actuacións previstas. A falta de acondicionamento nos terreos que o concello de Allariz ofertara para realizar o evento son o argumento que organización esgrime para a mudanza. Desde o Concello de Allariz, pola súa banda, lamentaron a decisión e aseguraron que cumpriron con os compromisos encol da localización. text/html 2012-04-26T23:00:00+01:00 culturagalegaorg MEGA | música en galicia mega/noticia.php?soportal=rcg&id=20822 A actuación de Panorama, Teté y los Ciclones e mais Carlos Blanco e Budiño iniciaba na noite de onte a actividade de Verbenalia. O Instituto Feiral de Vigo acolle un encontro no que se dan cita representantes, comisións de festas e orquestras a apresentar os seus últimos repertorios e efectos. Ademais, ata o vindeiro 29 haberá actuacións cada noite e mais en sesión vermut, con conxuntos como París de Noia, Olympus, Philadelphia, Sintonía de Vigo, Aché, Marbella, Ciclón, Costa Oeste, Cinema, Gran Parada, Charlestón e Jerusalén. text/html 2012-04-24T23:00:00+01:00 culturagalegaorg MEGA | música en galicia mega/noticia.php?soportal=rcg&id=20806 O país énchese de actividades en memoria do cantautor portugués José <i>Zeca</i> Afonso. O aniversario da Revolução dos Cravos, o 25 de abril, e mais da estrea en Galicia, hai corenta anos, do tema <i>Grândola Vila Morena</i>, que marcou o comezo da revolta, motivan estas iniciativas. Deste xeito, para alén do xa anunciado concerto e documental <i>Terra da fraternidade. Galiza a Zeca Afonso</i>, que se celebrará o 10 de maio en Compostela, Lugo prepara tamén unha programación que comeza o 26 cun concerto do fadista electrónico Gonçalo Guerreiro. Unha mesa redonda, o espectáculo <i>Canto de intervenção</i> e mais outro concerto, da man de João Afonso e Fred Martins completan o programa. text/html 2012-04-24T23:00:00+01:00 culturagalegaorg MEGA | música en galicia mega/noticia.php?soportal=rcg&id=20784 Logo de cinco anos de traballo en escenarios e obras colectivas, o grupo O Sonoro Maxín lanza o seu debut discográfico. <i>A onda sonora (chega do interior)</i> presentouse o pasado 14 de abril no Café Cultural Auriense da cidade das burgas e achega 13 temas cunha boa dose de cumbia e ritmos como vallenatos ou rancheras. Canda a cancións habituais dos seus directos, o grupo achega un feixe de obras compostas para a ocasión. O traballo, autoeditado, foi producido por Kaki Arkarazo e gravouse entre os seus estudios de Andoain e mais en Tooma Recordings, de Ourense. A obra está dispoñible integramente para a descarga no web do grupo, para alén de contar cunha edición en CD con imaxe de David Rubín. text/html 2012-04-23T23:00:00+01:00 culturagalegaorg MEGA | música en galicia mega/noticia.php?soportal=rcg&id=20800 Co seu propio nome, sen o alias de Deluxe, Xoel López asina <i>Atlántico</i>, un disco que achega 12 temas nos que se detecta a influencia que os ritmos suramericanos deixaron no músico. Máis percusión e letras máis calmadas marcan a evolución estilística do coruñés. O disco está a venda desde o pasado 17 de abril e pode escoitarse de xeito íntegro no web do artista e mediante o web <i>Grooveshark</i>. Editado por Esmerarte, gravouse entre Bos Aires e A Coruña O propio Xoel e mais Juan de Dios correron coa produción. text/html 2012-04-22T23:00:00+01:00 culturagalegaorg MEGA | música en galicia mega/noticia.php?soportal=rcg&id=20791 Considerado un dos principais impulsores do canto coral en Galicia, o compositor Francisco Rey Rivero falecía onte aos 83 anos de idade. No seu haber deixa o ter fundado agrupacións como a coral Casablanca, a Ureca ou a do Club Náutico de Vigo. Canda a isto, é autor dalgúns dos temas máis populares neste estilo, con temas como <i>Perla antillana</i> ou <i>La sirena</i>. O seu traballo valeulle premios como a medalla da Academia Galega de Belas Artes ou o premio Reconquista de Vigo, entre outros recoñecementos. text/html 2012-04-19T23:00:00+01:00 culturagalegaorg MEGA | música en galicia mega/noticia.php?soportal=rcg&id=20777 A quinta edición do Premio Andaina Senlleira do xornal <i>La Opinión</i> recoñece a traxectoria de Fuxan os ventos. Segundo publica hoxe o xornal, a organización do galardón decidiu galardoar un traballlo que "vai alén do apartado estritamente musical" xa que "as letras das súas cancións nunca refugaron subliñar as problemáticas sociais e políticas existentes en Galicia". O grupo recollerá o premio na gala dos Premois Opinión de Música Folk, que se celebrará o vindeiro mes de maio. Precisamente en 2012 cúmprense 40 anos do nacemento deste grupo fundamental na historia da música tradicional do país. text/html 2012-04-17T23:00:00+01:00 culturagalegaorg MEGA | música en galicia mega/noticia.php?soportal=rcg&id=20762 Con 600.000 euros, a metade de orzamento que na súa anterior edición, o Festival Mozart cumpre quince anos cun programa de 19 concertos no que destaca a ausencia da ópera. A iniciativa abre os vindeiros 12 e 13 de maio con dous concertos da Orquestra Sinfónica de Galicia, que celebra os seus vinte anos, nos que estreará a <i>Alborada de noite e luz</i>, de Juan Durán, e a <i>Sinfonía nº9 en re menor</i>, de Beethoven. Canda a esta formación, Michael Nyman e a súa banda, o Cuarteto Casals, o dúo Iván Martín-Iagoba Fanlo ou Carlos Núñez son outros nomes que compoñen o programa. Para alén da Coruña, a cita prevé actuacións en Ferrol e en Lugo. Esta é a primeira edición do festival que non conta co apoio da Fundación Novacaixagalicia.