on
Novidades na
autores
titulos |
Untitled Document
AUTORES:
Xosé María Álvarez Blázquez
|
EDITORIAL:
Edicións Xerais de Galicia
|
|
Roseira do teu mencer
Estes son os poemas que Xosé María Álvarez Blázquez dedicou en 1950 a súa filla Mª Luísa con motivo do seu primeiro aniversario. Publicado por vez primeira na editorial Monterrey, da que el mesmo era cofundador, pode considerarse unha obra pioneira na poesía infantil, agora actualizada por Xerais cos cambios lingüísticos pertinentes e engadíndolle materiais que explican tanto o percorrido biográfico do autor como a xénese e características do poemario. O volume abre e pecha con senllas invocacións que nos fan lembrar as trobas medievais. Os poemas constitúen un delicado canto ao sentimento paternal. |
|
|
|
Untitled Document
|
|
Fundación polo día
A familia de Álvarez Blázquez pide unha fundación para albergar o seu legado
15 -
5 -
2008
Mentres se multiplican os actos convocados para celebrar sábado o Día das Letras Galegas, a familia do homenaxeado deste ano, Xosé maría Álvarez Blázquez, aproveitou para solicitar axuda das institucións para crear unha fundación. Esta entidade albergará o amplo legado de Blázquez como editor, como pedagogo e mestre, como filólogo e como “buscador de tesouros”, en palabras de Celso Ávarez Cáccamo, un dos seus fillos.
Amplía a nova
|
IBBY 09
Luis Bará asegura que o Centro IBBY da Cidade da Cultura abrirá no 2009
15 -
5 -
2008
O Centro IBBY para a diversidade cultural será “unha biblioteca física pero tamén un elemento dinamización con actividades de ámbito nacional e internacional”, aseguraba no Parlamento esta mañá Luis Bará, como resposta a unha pregunta parlamentaria do BNG sobre esta materia. Bará confirmou que o centro abrirá no 2009, un ano antes da celebración do 32 edición do Congreso Internacional da Literatura Infantil e Xuvenil IBBY. Ademais, Bará explicou que este centro, situado na Biblioteca Nacional da Cidade da Cultura, terá programación dirixida a estudosos e a todos os lectores, con especial atención á comunidade escolar. Ademais, contará coa primeira biblioteca internacional especializada na literatura infantil escrita en linguas minorizadas, fondos que se poderán consultar na rede. Aproveitou tamen para situar a consecución dun centro IBBY en Galicia, como o resultado do “traballo colectivo” realizado a prol da literatura infantil e xuvenil nos últimos anos.
Amplía a nova
|
Blázquez facsimilar
O Consello da Cultura súmase á celebración do Día das Letras
13 -
5 -
2008
Unha edición facsímile que inclúe o manuscrito autógrafo “Égloga de Belmiro e Benigno” de Nicomedes Pastor Díaz e mais a edición do texto que fixo Edicións Monterrei en 1951, incluídas as notas de Xosé María Álvarez Blázquez. Esta é a achega que o Consello da Cultura Galega (CCG) facía hoxe ás homenaxes que se están a suceder por todo o país a Xosé María Álvarez Blázquez. Na presentación da obra, o presidente da institución, Ramón Villares, lembrou a importancia do traballo deste autor e investigador. Ao tempo, lembrou que o CCG está a traballar na edición doutros textos previos ao noso Rexurdimento, que se publicarán baixo o rubro “Papés de imprenta condenada”.
Amplía a nova
|
O Avilés maila Avelina
Premios literarios para os relatos de Mario Franco e os poemas de Berta Dávila
12 -
5 -
2008
Por segundo ano consecutivo o premio do Certame Literario de Relato de Aventuras Avilés de Taramancos entregaráselle a Mario Franco (Compostela, 1934). O xurado declarou gañadora do certame a obra “A capela maldita”, cuxo argumento xira arredor de diversas lendas do imaxinario galego. O relato conta con ilustracións de Paula Pardela. O escritor gañou este mesmo certame o pasado ano co relato “A derradeira campaña do Capitán Samuel”. No eido da poesía a noiesa Berta Dávila converteuse na nova premiada no certame estradense Avelina Valladares de Poesía coa obra “A auga toda ao teu corpo”. Con vinte anos a autora xa ten no seu palmarés o premio de poesía Minerva. Ademais dos 2.000 euros do premio a obra será publicada por edicións Fervenza.
Amplía a nova
|
|
|
|
O traballo de libreiro fixo de Xosé María Álvarez Blázquez un pioneiro no estudo dos Séculos Escuros |
|
|
