on
Novidades na
autores
titulos |
Untitled Document
AUTORES:
Xosé Lois Ripalda
|
EDITORIAL:
Edicións Xerais de Galicia
|
|
A cultura do pan
Crónica etnográfica e divulgativa dunha das nosas máis identificables tradicións, o autor repasa unha a unha todas as cuestións ligadas a esa tradición que deu lugar a pans de tanta sona coma os do Porriño ou os de Cea, e orixinou topónimos como Terras do Pan, recuperando un mundo case descoñecido para as novas xeracións. Xurxo M. Ayán, empregando unha metáfora panificadora, esculca na cocedela desta nova achega sobre a cultura do pan. |
|
|
|
Untitled Document
|
|
 |
|
|
|
|
|
|
|
|
|
Se vas a Tui pregunta por Álvarez Blázquez
Obras de Xosé Mª Álvarez Blázquez distribuiranse en hoteis e casas rurais do Baixo Miño
9 -
5 -
2008
As persoas que se hospeden nas casas rurais e hoteis do Baixo Miño terán acceso a unha escolma de libros de Xosé María Álvarez Blázquez, natural da cidade tudense, autor ao que este ano se lle dedica o Día das Letras. "Palabra na solaina", organizado pola Consellería de Cultura e Deporte, distribuirá libros deste autor nos establecementos turísticos, dándolle continuidade a un programa que se desenvolve desde o 2006 e no que se poñen ao alcance dos visitantes a obra de autores ligados intimamente a cada zona xeográfica na que se implanta. Serán en total 24 casas rurais e hoteis do municipio os que participan neste programa. Obras de Álvarez Blázquez estarán dispoñibles nos salóns e áreas para o lecer e a lectura coas que contan os establecementos, e ademais un dos libros estará en cada unha das habitacións. O programa está incluído no Plan de Fomento da Lectura.
Amplía a nova
|
A ollada no préstamo
Os editores denuncian que o sistema de gratuidade de libros de texto non é ben recibido na comunidade escolar
8 -
5 -
2008
Profesores e pais coinciden en que un modelo de axuda directa para a adquisición de libros de texto “é mellor para fomentar a motivación e o interese dos alumnos”, favorece o seu rendemento académico e mais ”a calidade da ensinanza”. Cando menos así o asegura o informe que a Unidade de Psicoloxía do Consumidor e Usuario da Universidade de Santiago de Compostela realizou para Asociación Galega de Editores sobre esta cuestión. O estudo presentábase onte, poucos días despois de que se anunciase a reforma no sistema de xestión para a gratuidade de libros de texto, e entre outras conclusións, sinala que o actual sistema, polo que os libros se reutilizan varios anos, “impide ao alumno empregar os manuais como ferramenta de traballo, limita as súas oportunidades de aprendizaxe e comprensión e non establece a gratuidade total”.
Amplía a nova
|
Xenealoxía literaria
Escritores galegos e arxentinos xuntaranse para coñecer a pegada da nosa emigración na literatura arxentina
7 -
5 -
2008
As xornadas “Dúas beiras literarias: Galicia – Buenos Aires” reunirán na capital porteña a escritores dos dous sistemas literarios entre os días 18 e 20 de xuño. A actividade, presentada hoxe no Consello da Cultura Galega, está organizada polo P.E.N. Clube de Galicia coa colaboración da Delegación da Xunta en Buenos Aires e o propio CCG. O secretario da institución, Henrique Monteagudo, presentou o evento ao abeiro do convenio subscrito co club de escritores para a promoción da literatura galega no exterior. Polo PEN Clube Luís G.Tosar anunciou o evento como o primeiro dun ciclo anual que, nesta ocasión servirá como homenaxe ao escritor arxentino de orixe galega González Carbalho (1899-1958) no 50 cabodano do seu pasamento. Escritores galegos e arxentinos xuntaranse para dar a coñecer mellor a vida e obra deste escritor que foi un dos máis representativos poetas da súa xeración e cuxa obra reflicte o seu vencello con Galicia. O ciclo de xornadas servirá para comprender a fondura da pegada da emigración galega na literatura arxentina.
Amplía a nova
|
Barbantesa de letras
Unha mostra amosará a vida e obra de Álvarez Blázquez en 2.500 puntos de Galicia e do exterior
2 -
5 -
2008
“A barbantesa” é o título do proxecto co que o IES Cotarelo Vallador gañou o certame de mostras encol do Día das Letras galegas. Marisol López, secretaria xeral de Política Lingüística, presentaba o mércores esta proposta, que consiste en once carteis con ilustracións e textos que fan un percorrido polo traballo e a biografía de Xosé María Álvarez Blázquez e que inclúe ademais unha guía de actividades para o alumnado. O material está xa a se distribuír en centros de ensino, concellos e centros galegos no exterior, e agárdase que chegue a preto de 2.500 puntos.
Amplía a nova
|
|
|
|
Álvarez Blázquez inventou, con “O cancioneiro de Monfero”, a maior piada da nosa literatura |
|
|
