 .
|
 |
| ULTIMAS OBRAS CATALOGADAS |
| Publicacións da 1 á 2 de un total de 2 |
| Biblioteca en Rede de LG3 |
| FUGA E RETORNO DE ADRIáN SOLOVIO |
Ramón Villares, Presidente do Consello da Cultura Galega e Catedrático de Historia Contemporánea da Universidade de Santiago, leu o seu discurso de entrada na Real Academia Galega o 24 de novembro de 2006 no Paraninfo da Universidade de Santiago de Compostela. O discurso analiza a obra máis emblemática de Ramón Otero Pedrayo, a novela Arredor de sí na que, en palabras de Villares, se percibe “o rastro da educación sentimental dun autor e mesmo dunha xeración que chantou os piares da cultura moderna en Galicia”.
|
| CANTARES DE CANDO O AMOR ERA NOVO |
O amor foi o primeiro tema da literatura escrita en galego, hai xa 900 anos. A través de diferentes xéneros poéticos, formados a partir da vella raigame da tradición oral e dos salóns das cortes aristocráticas, os poetas da lírica galego-portuguesa compuxeron centos de cantigas dedicadas ao máis fecundo dos temas literarios da historia.
Le nesta pequena escolma, seleccionada pola catedrática de Filoloxía Románica da USC Mercedes Brea a partir dos Cancioneiros de Ajuda, Vaticana e Lisboa, como naceu o amor na nosa literatura.
|
Primeira recompilación dos artigos de Rosa Aneiros na sección "Agardando as lagarteiras". Este libro que poderás descargar de balde inclúe todos os seus escritos desde xuño de 2002 até xullo de 2003. Máis de cen páxinas coas súas opinións literarias ou derivadas das súas lecturas.
|
¿Anxos ou diaños? é o título da columna que durante os fins de semana do 2001 e 2002 animou o portal culturagalega.org. Roberto Ribao e Anxos Sumai debateron, en paralelo, sobre os grandes e os pequenos temas. A cotidianeidade, as conversas que poden xurdir en calquera cafetería: unha ollada fresca, intelixente e irónica sobre o noso presente. Este libro, editado só en formato electrónico, recolle tódolos artigos da sección.
|
Compendio das novidades editoriais para o outono do 2002
|
| COPLAS DE ENTROIDO DE CECEBRE (1913) |
Un pequeno tesouro da nosa sociedade tradicional: un manuscrito de coplas orixinais de entroido redactado en Cecebre (Cambre, A Coruña) polo labrego Eugenio Carro Eiroa, en 1913. No seu tempo foran cantadas por tódolos lugares da zona como acompañamento das comparsas, mesmo participando nos festivais de entroido da cidade da Coruña.
As coplas son enxeñosas burlas e ironías sobre familias e personaxes de Cecebre e reflicten o modo de vida tradicional da época.
O que aquí podes descargar son unha pequena parte dos manuscritos que se conservan de Eugenio Carro, cedidos polo seu neto, Antonio Montero.
|
1991 foi o ano de Álvaro Cunqueiro. A Real Academia Galega decidiu adicar a esta data ó escritor de Mondoñedo. Con motivo desa celebración, o Consello da Cultura Galega decidiu realizar unha preciosista edición facsímile de inéditos e autógrafos de Álvaro Cunqueiro de 500 exemplares numerados.
A orixe destes autógrafos está en 1935, cando o Seminario de Estudos Galegos encargou a Filgueira Valverde a preparación dunha antoloxía da poesía galega con motivo do Centenario do nacemento de Rosalía de Castro. Filgueira dirixiu as súas peticións a medio cento de poetas novos e vellos.
Cunqueiro respostou en marzo de 1936 cun feixe de poemas -oito autógrafos e un a máquina. Dous corresponden a unha estadía, como conferenciante, en Barcelona. Hai poemas en castelán, catalán e tamén galego. Algúns deles ían figurar como partes de obras futuras e outros foron publicados en revistas de poesía.
|
|
