A MECáNICA DA MAXIA ANALIZA AS IDEAS QUE SUBXACEN NA OBRA DE CUNQUEIRO
Manuel Forcadela: "No Sochantre Cunqueiro relátanos as súas peripecias ao longo da Guerra Civil" A mecánica da maxia. Ficción e ideoloxía en Álvaro Cunqueiro é a máis recente obra de Manuel Forcadela. "Trátase dunha obra que investiga o conxunto da produción literaria deste autor a través da coordenadas ideolóxicas nas que se desenvolveu a súa vida creativa", explica o investigador. A obra analiza os elementos comúns entre o poeta de antes da guerra, o xornalista, o narrador en galego e o escritor en castelán. "Hai contraposicións ideolóxicas que están no conxunto da obra. Algunhas teñen que ver co papel do ser humano na historia ou co papel do escritor, ata qué punto emprega unha voz propia ou esa voz é debedora dunha colectividade", sinala Forcadela. O autor achéganos un exemplo do libro coas súas intrepretacións sobre Merlín e Familia e As crónicas do sochantre.
29/06/2009
A RAG HOMENAXEA A UXíO NOVONEYRA NO DíA DAS LETRAS DE 2010
O Día das Letras Volta ao Courel
Apenas dous anos despois do Día das Letras dedicado a María Mariño, a celebración voltará ao Courel o vindeiro ano. A Real Academia anunciaba o pasado sábado que o poeta Uxío Novoneyra será o homenaxeado en 2010. A RAG respondeu con este escolla a forte campaña social a prol deste autor, desbotando a opción de celebrar o centenario de Carvalho Calero, que tamén recollera abondosos apoios. Facemos un repaso dos méritos de Novoneyra para ser escolleito.
29/06/2009
O POETA NADO EN CANGAS INGRESARá COMA MEMBRO NUMERARIO DA INSTITUCIóN
Bernardino Graña entra na Real Academia
Alén de escoller a Uxío Novoneyra coma vindeiro homenaxeado no Día das Letras, o plenario da Real Academia deste sábado decidiu tamén unha nova incorporación á entidade. Bernardino Graña foi elixido coma membro numerario desta institución, que o destaca no seu comunicado oficial coma “un autor cunha personalidade moi forte e cunha concepción da literatura moi clara”. Braña é autor dunha ampla obra poética con títulos coma Poema do home que quixo vivir. Novelas coma o Protoevanxeo do neto de Herodes, Contos populares da prinvicia de Lugo e obras infantís coma O león e o paxaro rebelde completan o seu amplo currículo.
25/06/2009
OS CATRO VOLUMES QUE SE CONSERVAN DA OBRA PODERáN VERSE A PARTIR DO VINDEIRO OUTUBRO
Unha mostra recupera as Cantigas de Santa María en Murcia
Murcia acollerá entre o 29 de outubro e o 31 de xaneiro de 2010 a exposición Alfonso X El Sabio, que organiza Caja Mediterráneo, o concello e mais a comunidade autónoma. A iniciativa reunirá por vez primeira os catros exemplares que se conservan destas composicións en galego-portugués, así coma diferentes obras realizadas baixo o mandato deste monarca. Tamén se poderá ver, entre as preto de 200 pezas expostas, a figura de marfil coñecida coma Virxe Abrideira, que se conserva en Allariz.
24/06/2009
UN DOS CATRO GALARDóNS ESTá DESTINADO AO DESCUBRIMENTO DE NOVOS TALENTOS
Nacen os Premios Produto Gráfico Galego da man do clúster do sector
O Clúster do Produto Gráfico e do Libro Galego presentou a primeira edición dos seus novos galardóns cos que pretende, en palabras do seu Presidente Jacobo Bermejo, “desenvolver a autoestima dun sector que aposta pola innovación e pola creatividade” e cuxos produtos esténdense a moitas áreas da vida e da economía. Para poñer en valor aos profesionais, empresas e estudantes do sector créanse catro galardóns que buscarán estimular a excelencia e a calidade en diversos formatos e que contan co apoio da Obra Social de Caixa Galicia. O Premio Novos Talentos está dirixido a traballos realizados por estudantes de deseño, arquitectura, publicidade ou comunicación en calquera ámbito conceptual. Este será a único con contía económica asociada, unha bolsa de 6.000 euros para traballar nunha empresa do Clúster durante un semestre ou nun centro de excelencia no estranxeiro. Tamén hai un premio a Libro editado, unha categoría dedicada ao Deseño Innovación, para aqueles traballos de deseño que utilicen formatos innovadores e un Premio Produto Gráfico Publicitario que inclúe tamén as campañas on line. Un xurado de cinco membros encabezado polo Presidente do Clúster seleccionará os traballos gañadores que se darán a coñecer nun acto o vindeiro 30 de novembro. O conselleiro de Cultura e Turismo, Roberto Varela, salientou a oportunidade destes galardóns antes da celebración do Ano da Lectura no 2010, xa que a innovación e o deseño dos libros poden contribuír a mellorar os baixos índices de lectura actuais.
