A canle de noticias culturais http://www.culturagalega.org 2010-03-13T00:39:48+01:00 http://www.culturagalega.org http://www.culturagalega.org/imaxes/footer/titulo.gif text/html 2010-03-12T00:00:00+01:00 culturagalegaorg Redaccion http://www.culturagalega.org/noticia.php?id=16482 A presenza galega nas candidaturas aos premios do Saló del Còmic de Barcelona afúndese neste 2010. Unicamente as publicacións <i>Carne Líquida</i> e <i>El dios mofeta</i> compiten por se facer co premio ao mellor fanzine, fronte ás sete candidaturas en diversas categorías o pasado ano. A nivel de publicacións con participación de autores galegos, podemos contar <i>Cthulhu</i> e <i>Dos veces breve</i> entre os propostos a mellor revista. text/html 2010-03-12T00:00:00+01:00 culturagalegaorg Redaccion http://www.culturagalega.org/noticia.php?id=16481 Quince candidaturas, entre elas a de mellor longametraxe, mellor dirección, mellor actor protagonista (Luis Tosar), doblete no de reparto (Carlos Bardem e Luis Zahera). <i>Cela 211</i> parte como favorita para os Mestre Mateo 09, os galardóns de cine e de televisión que concede a Academia Galega de Audiovisual. Séguenlle as series de Voz Audiovisual, <i>Matalobos</i> e <i>Padre Casares</i> con dez e nove candidaturas respectivamente. A longametraxe de Continental, <i>Galadas</i> conta con oito candidaturas, entre as que destaca a de mellor película e a interpetación de Celso Bugallo. Nesta edición presentáronse 101 producións, un 30% menos que no ano anterior o que demostra o descenso da produción audiovisual. O presidente da Academia, Xosé Manuel Olveira “Pico”, asegurou que “se nota a crise, aínda que o sector das artes sempre está en crise”. Ademais, nos vindeiros días poñerase en marcha a semana do audiovisual galego para dar a coñecer as producións finalistas antes da gala que este ano terá lugar en Narón. text/html 2010-03-12T00:00:00+01:00 culturagalegaorg Redaccion http://www.culturagalega.org/noticia.php?id=16480 O Arcebispado de Santiago, o Cabido da Catedral e mais a Fundación Barrié confirmaron esta mañá que retirarán o andamio que cobre o Pórtico da Gloria. Segundo explicaron as entidades nun comunicado conxunto, en xullo comezará o proceso de retirada de varios tramos desta estrutura para deixar ao descuberto o máis posible da parte central do monumento. Segundo o Comité Científico del Programa Catedral, a medida permitirá completar a recollida de datos sobre o estado do Pórtico, necesaria para as previstas accións de restauración. text/html 2010-03-12T00:00:00+01:00 culturagalegaorg Redaccion http://www.culturagalega.org/noticia.php?id=16479 As actividades da Rede Galega de Teatros e Auditorios, as da Rede de Música ao Vivo e mais as da Rede de Salas intégranse no programa <i>Galicia móvese</i>. A Consellaría de Cultura presentaba esta mañá a iniciativa, que pretende achegar actividades de música, danza, maxia, monicreques, teatro, circo e narración oral a 203 concellos do país. A iniciativa, que conta cun orzamento de 1.115.000 euros, achega como principal novidade o programa <i>Camiños de cultura</i>. Destinado especificamente aos concellos de menos de 50.000 habitantes, a iniciativa cubrirá on 60% dos cachés e os municipios participantes o outro 40%. Na actualidade está aberto o proceso de inscrición nesta actividade. A maiores, dentro de <i>Galicia móvese</i> desenvolveranse tamén o IV Certame de Bandas de Música, e diferentes ciclos de teatro afeccionado, así como o V Certame de Corais <i>En Clave Coral</i>. text/html 2010-03-12T00:00:00+01:00 culturagalegaorg Redaccion http://www.culturagalega.org/noticia.php?id=16478 Co anuncio do ciclo <i>ST Música Presente</i> para programadores abre o boletín <i>e_scena</i> o seu número 43. O boletín da Axencia Galega das Industrias Culturais adiántanos asimesmo as novidades deste organismo, atendendo a cuestións como a colaboración galego-galega no proxecto de promoción musical e turístico <i>Impact!</i>. Ciclos de formación, o novo proxecto do Centro Coreográfico ou as cifras de asistencia aos espectáculos e concertos das redes da Axencia completan os contidos. text/html 2010-03-12T00:00:00+01:00 culturagalegaorg Redaccion http://www.culturagalega.org/noticia.php?id=16477 Unha cavidade no Courel agochaba os que ata o de agora son os restos humanos máis antigos atopados en Galicia. Fragmentos dun cráneo de extremidades, datados entre 8.000 e 10.000 anos, apareceron canda a ósos de uro, un antigo bóvido xa extinguido. Investigadores do Instituto Xeolóxico Isidro Parga Pondal foron os responsables da descuberta dos restos, que practicamente duplican a idade dos máis antigos coñecidos ata agora. O achado abre importantes liñas de investigación sobre o noso pasado. text/html 2010-03-12T00:00:00+01:00 culturagalegaorg Redaccion http://www.culturagalega.org/noticia.php?id=16476 O que posiblemente sexa o maior pazo de Galicia e un dos máis antigos, o de Palacio de Sober, abriu onte as súas portas como hotel de cinco estrelas. O conselleiro de Cultura, Roberto Varela, participou no acto de apertura, que finaliza un prolongado proceso de rehabilitación orzamentado en 7,8 millóns de euros. A empresa Alvaher 98 foi a responsable de transformar o edificio, ata hai poucos anos en ruínas, no actual establecemento, que contará con 36 cuartos e 10 suites, e que aspira a se converter nun referente turístico na Ribeira Sacra. text/html 2010-03-12T00:00:00+01:00 culturagalegaorg Redaccion http://www.culturagalega.org/noticia.php?id=16475 Son moitos máis que imaxes de Galicia entre os anos corenta e setenta. As trinta horas do NO-DO cedidas en copia dixital no Centro Galego de Artes da Imaxe no 2007 documentan imaxes de actos sociais, estampas da época e acontecementos históricos de diversa índole. Por iso, un equipo interdisciplinar do Departamento de Ciencias da Comunicación está a estudar este material centrado na análise do discurso sobre Galicia ao tempo que alerta da riqeuza historiográfica e antropolóxica dos fondos audiovisuais. Esta investigación faise pública no seminario que ten lugar hoxe na Facultade de Ciencias da Comunicación da Universidade de Santiago. O catedrático José luis Castro de paz, Julio Pérez Perucha, e Margarita Ledo Andión son algúns dos investigadores e participantes neste seminario. text/html 2010-03-11T00:00:00+01:00 culturagalegaorg Redaccion http://www.culturagalega.org/noticia.php?id=16473 A editorial A Nosa Terra ven de avanzar significativamente no que é a súa presenza na rede coa presentación dun novo sitio web. A través da rede será posible xa acceder ao catálogo enteiro desta consolidada editorial, obtendo información a través das buscas por obras, autores e coleccións. A plataforma tamén ofrece tamén un tratamento especial e diferenciado ás coleccións infantís e xuvenís da editorial, con accesos directos ás obras de Os Bolechas e Os Megatoxos, así como un catálogo educativo que presenta os libros editados a través do Consorcio Editorial Galego. A posibilidade de mercar directamente os libros tamén existe, ademais dun acceso á situación da libraría máis próxima onde poder velos e mercalos en man. Unha canle de noticias relacionada cos contidos dixitais ou semanais da revista A Nosa Terra e un Blogclube completan a oferta do novo sitio web. text/html 2010-03-11T00:00:00+01:00 culturagalegaorg Redaccion http://www.culturagalega.org/noticia.php?id=16472 O segundo número da revista estadounidense <i>Volcomics</i> conta por vez primeira cunha colaboración galega. O vigués Alberto Santos, tamén coñecido como <i>Ash</i> ou <i>Kalosú</i> asina unha historia de 4 páxinas titulada <i>This is Ashville</i>. A revista distribúese a nivel mundial e pode lerse íntegra na rede. Tamén en Internet podemos atopar os webs renovados de Alberto Vázquez e de Miguel Porto con mostras do seu traballo, así como historias íntegras que Martín Romero e Alvaro López acaban de publicar nos seus respectivos blogs.