A canle de noticias culturais http://www.culturagalega.org 2012-02-07T12:19:25+01:00 http://www.culturagalega.org imaxes/footer/titulo.gif text/html 2012-02-07T00:00:00+01:00 culturagalegaorg Redaccion http://www.culturagalega.org/noticia.php?id=20376 Entre marzo e abril está previsto o lanzamento de <i>Trazo de xiz</i>, primeira edición da banda deseñada de Miguelanxo Prado <i>Trazo de tiza</i> na nosa lingua. O álbum chega da man de El Patito Editorial a coincidir coa quinta edición en castelán por Norma Editorial. Nos dous casos o libro achegará unha nova ilustración de capa e contidos extras. A coincidir con isto, Prado anuncia a edición en serbia de <i>Manuel Montano / El Manantial de la Noche</i>, á que lle seguirán en breve <i>Trazo de tiza</i> e mais <i>Tangencias</i>. text/html 2012-02-07T00:00:00+01:00 culturagalegaorg Redaccion http://www.culturagalega.org/noticia.php?id=20375 Definiuse como un espazo aberto á interdisciplinaridade, con achegas de todo tipo de manifestacións estéticas, técnicas e artísticas. Por iso, o concello de Caldas acaba de asegurar a continuidade da décimo quinta edición do Festival Cultura Quente. Con todo, o alcalde asegura que terá “un profundo recorte” de fondos. Tal e como publica hoxe <i>Diario de Pontevedra</i>, sábese que a partida que destinará o concello ao festival baixará dos 132.000 euros de 2011 a uns 60.000 euros. Esa cifra condicionará o formato do festival, se será xestionado polo concello ou sacará a licitación da súa celebración (a produtora Esmerarte, era a organizadora do encontro desde 1998). “Serán menos grupos pero con actuacións os dous días” publica o citado medio que tamén explica cales son, para o alcalde local,os piares básicos: os concertos de rock, a exposición de arte efémera Kaldarte e a feira do albariño Mostra do Viño. text/html 2012-02-07T00:00:00+01:00 culturagalegaorg Redaccion http://www.culturagalega.org/noticia.php?id=20374 É unha das citas de referencia no campo da animación, efectos especiais, videoxogos e arquitectura dixital. A IX edición de Mundos Dixitais xa está en marcha coa apertura (ata o 25 de maio) do prazo de presentación de solicitudes para a súa sección oficial nas catro categorías a concurso: mellor curtametraxe de animación, mellor curtametraxe de animación nacional, premio especial do público e premio especial do xurado. De momento, o web oficial do certame non achega máis información sobre o programa (desde as conferencias ata as xornadas profesionais para recrutar persoal) ou os patrocinadores deste encontro que se desenvolverá entre o 4 e o 7 de xullo na Coruña. A única pista sobre a temática desta edición, figura no Facebook corporativo que asegura será “unha edición aterradora”. text/html 2012-02-07T00:00:00+01:00 culturagalegaorg Redaccion http://www.culturagalega.org/noticia.php?id=20373 <i>Mentres durmes</i>, de Jaume Balagueró foi a gran trunfadora dos Premios do Audiovisual catalán, os Gaudí. Un filme no que o galego Luís Tosar (Lugo, 1971) foi galardoado pola interpretación dun porteiro dunha finca residencial obsesivo e paranoico. O actor lucense tamén é finalista aos Goya pola súa interpretación neste filme que onte recibiu seis galardóns, entre eles mellor película en lingua non catalá, mellor guión e mellor director. O premio á mellor película en lingua catalá foi para Eva, filme que contaba con 16 candidaturas. Este filme tamén foi premiado pola actuación de Lluís Homar, como actor secundario. Os IV Premios Gaudí son galardóns que concede a Academia do Cinema Catalán. text/html 2012-02-07T00:00:00+01:00 culturagalegaorg Redaccion http://www.culturagalega.org/noticia.php?id=20372 De madrugada e moi preto do lugar no que foron subtraídas apareceron as dúas esculturas que conforman a mostra de rúa Lalín Pork Art que se desenvolvía en Santiago. O concello compostelá decidiu a retirada de toda a mostra, organizada para promover a Feira do Cocido da localidade pontevedresa, ao non poder garantir a permanencia das pezas na rúa. A subtracción de dúas obras implicou, ademais, a decisión do concello de cancelar unha mostra colectiva que tiña previsto desenvolverse nas rúas do ensanche en dous meses. As pezas roubadas xa están nas dependencias da Policía Local e do Departamento de Parques e Xardíns. text/html 2012-02-07T00:00:00+01:00 culturagalegaorg Redaccion http://www.culturagalega.org/noticia.php?id=20371 Engadindo un Band ao seu nome, o músico cambadés afincado en Madrid Isi Vaamonde presenta o seu primeiro disco, <i>Live in heartland</i>. A obra gravouse nos estudios Abrigueiro de Guimarei coa banda a tocar ao vivo e foi autoproducido polo galego. Na liña dos seus anteriores EPs, Vaamonde mantén a súa aposta polo folk-rock americano con letras en inglés, e achega 12 temas habituais do seu repertorio, mesturando composicións orixinais con dúas versións de David Bowie (<i>Heroes</i>) e mais Inmaculate Fools (<i>Wish you were here</i>). Canda a Vaamonde, participan no proxecto Jesús Parra, Edu Pulpillo, Gonzalo Peñalosa, Jaime Caro e Volker Ledwig. A obra, autoeditada, está á venda por dez euros. text/html 2012-02-07T00:00:00+01:00 culturagalegaorg Redaccion http://www.culturagalega.org/noticia.php?id=20370 Nos últimos anos están a se multiplicar as obras de carácter didáctico que se achegan á nosa música tradicional. Dentro desta liña, acaba de saír do prelo <i>Para cantar veño eu. Unha viaxe pola cultura musical galega da man dos chichisos</i>. Como peculiariades, presenta a aposta por seguir o itinerario dunha asociación como fío condutos e atender a partes pouco difundidas da nosa tradición. text/html 2012-02-06T00:00:00+01:00 culturagalegaorg Redaccion http://www.culturagalega.org/noticia.php?id=20369 A Asociación de Escritores en Lingua Galega celebrou o pasado sábado a súa asemblea xeral, na que confirmou a Homenaxe Os Bos e Xenerosos a Francisco Carballo e o nomeamento de José Luís Sampedro como Escritor Galego Universal. Canda a isto, os membros da Asociación acordaron dedicarlle a homenaxe ao escritor na súa terra deste ano a Xavier Rodríguez Baixeras. O acto celebrarse o vindeiro mes de xuño en Ribadeo. Ao tempo, o premio da Asociación para institucións vai desta volta para os Equipos de Normalización Lingüística dos centros de ensino e mais aos Servizos de Normalización Lingüística dos concellos, que o recibirán no transcurso da vindeira Cea das Letras, o 5 e maio. text/html 2012-02-06T00:00:00+01:00 culturagalegaorg Redaccion http://www.culturagalega.org/noticia.php?id=20368 “Alguén me pregunta que fago últimamente. Entonces engurro o ceño. Titubeo. E despois respondo que paso os días partindo caras, que a iso dedico agora o tempo con gran entusiasmo”. Este é un fragmento do que o artista Pablo Gallo escribiu mentres realizaba a seire de pinturas <i>Anti-faces</i>. Trátase da última exposición deste artista que se pode ver en Moret Art Espazo (Olmos, 12-14, A Coruña) que fala de destrución e de construcción, do tratamento da imaxe que recorda os postulados de Warhol. A exposición poderá verse ata o vindeiro 9 de marzo. text/html 2012-02-06T00:00:00+01:00 culturagalegaorg Redaccion http://www.culturagalega.org/noticia.php?id=20367 O Centro de Documentación Sociolingüística de Galicia do Consello da Cultura Galega organiza, como ven sendo habitual, os Encontros de Normalización Lingüística. O evento, que chega este ano á súa XIV edición, desenvolveráse na Cidade da Cultura os vindeiros días 8 e 9 de marzo, e terá na mocidade o seu eixe fundamental de traballo. Arredor desta cuestión o programa prevé abordar cuestións como o emprego da nosa lingua e actividades de lecer, experiencias no campo da educación, as redes sociais ou os novos medios de comunicación na nosa lingua, entre outras iniciativas.