A canle de noticias culturais bd/ 2012-02-07T11:40:57+01:00 http://www.culturagalega.org imaxes/footer/titulo.gif text/html culturagalegaorg Redaccion noticia.php?soportal=bdg&id=20357 Zeke, ata o de agora crítico no blog da libraría <i>Banda Deseñada</i>, debutou recentemente como autor de BD cunha serie de historias curtas neste mesmo espazo. Ao tempo, podemos ler novas colaboracións de Davida no web <i>Novaxove</i>, onde xa leva un cento publicadas e incrementa a súa periodicidade a semanal. Chéganos tamén a nova de que Alberto Guitián e José Domingo colaborarán no segundo número da revista de humor <i>Caramba!</i>, que reúne nada menos de 47 colaboradores a nivel estatal. text/html culturagalegaorg Redaccion noticia.php?soportal=bdg&id=20339 <i>El héroe</i> de David Rubín foi seleccionado polos seguidores do coñecido web <i>Entrecomics</i> como mellor obra de banda deseñada do Estado en 2011. Canda a el, outro galego, José Domingo, acadou o segundo posto coas súas <i>Aventuras de un oficinista japonés</i>, que tamén levou o terceiro premio á obra mellor editada. Pola súa banda, <i>A man do diaño</i> de Brais Rodríguez, levou o premio en linguas diferentes ao castelán, e Jacobo Fernández quedou terceiro con <i>Breve encontro</i>, a obra dedicada a Lois Pereiro. text/html culturagalegaorg Redaccion noticia.php?soportal=bdg&id=20295 Están en marcha as votacións para escoller as mellores bandas deseñadas de 2011 que convoca cada ano o web <i>Entrecómics</i>. Ata o vindeiro 31 de xaneiro, calquera internauta pode votar nas quince categorías abertas e propor os nomes que considere oportunos. Deste xeito, están xa a concurso obras de autores galegos como <i>Aventuras de un oficinista japonés</i> de José Domingo ou <i>El héroe</i> de David Rubín entre outros. Os galardóns, que polo seu carácter popular están a se consolidar entre os mellor considerados do Estado, contan tamén para unha categoría dedicada a obras publicasa en catalán, euskera e galego. text/html culturagalegaorg Redaccion noticia.php?soportal=bdg&id=20282 Como está a acontecer nos últimos anos, a edición do Festival de BD de Angouleme, que comeza o vindeiro mércores nesta vila francesa, non terá unha representación oficial de Galicia. Segundo explicaron desde a Consellaría de Educación e Cultura non houbo solicitudes do sector para asistir ao evento. No entanto, algúns dos nosos autores estarán presentes na exposición <i>Tebeos – Les bandes dessinées espagnoles</i>, que leva o Ministerio de Cultura sobre a BD estatal. Segundo adianta o seu comisario, Álvaro Pons, na mesma "hai unha ampla representación de galegos coma Prado, Rubín, Jacobo Fernández ou José Domingo", entre outros. text/html culturagalegaorg Redaccion noticia.php?soportal=bdg&id=20273 Logo da publicación seriada de <i>Whispers in the walls</i>, versión estadounidense da obra <i>A mansións dos murmurios</i>, a editora Humanoids edita agora un volume que recolle todo o material do proxecto en inglés. Co pontevedrés Tirso Cons no debuxo e o coruñés Javi Montes á cor, a obra conta con 184 páxinas a cor e sae á venda o vindeiro 15 de febreiro por 19.95 dólares. Ademais, inclúe material extra e unha introdución de Juan Díaz Canales. A obra xa conta con edicións en Francia, Alemaña e España, e o primeiro volume está tamén dispoñible en galego. text/html culturagalegaorg Redaccion noticia.php?soportal=bdg&id=20265 O IES Perdouro de Burela acollía onte a inauguración dos IV Encontros de Banda Deseñada da Mariña, que se desenvolverán no centro ata o vindeiro mes de marzo. Para alén do xa habitual certame de creación de BD, está tamén xa na rúa o terceiro número de <i>Banda Desexada</i> a revista que recolle anualmente os traballos galardoados na anterior edición. No programa, aínda pendente de desvelar, está previsto que se desenvolvan obradoiros, exposicións e que acodan ao centro cradores de BD do noso país. text/html culturagalegaorg Redaccion noticia.php?soportal=bdg&id=20251 Pendente de permisos legais e de rematar as obras para abrir as súas portas, Kiko da Silva ultima o proxecto O garaxe hermético, que quere ser a primeira escola profesional de banda deseñada e ilustración de Galicia. A iniciativa pretende desenvolver polas mañás cursos para a formación de debuxantes que aspiren a traballar nestes campos, cun programa formativo de tres anos que impartirán Kiko da silva, Fernado Iglesias, Miguel Porto e mais os irmáns Jacobo Fernández e Norberto Fernández. Canda a isto, haberá cursos monográficos a cargo de autores de primeira liña do panorama estatal e durante as tardes clases de iniciación para afeccionados. text/html culturagalegaorg Redaccion noticia.php?soportal=bdg&id=20247 Chegan ás tendas dúas novidades de BD longamente anunciadas. El Patito Editorial acaba de pór á venda <i>Engurras</i>, versión en galego da obra coa que Paco Roca levou o Premio Nacional de Cómic en 2008 e que acaba de ver unha versión animada. A obra, a cor e con capa dura, ten 114 páxinas e sae á venda por 15 euros. Ao tempo, Dolmen Editorial publica en febreiro en castelán o volume integral de <i>La casa de los susurros</i>, con debuxo de Tirso Cons, cor de Javi Montes e guión de David Muñoz. Cun tamaño algo máis pequeno dun álbum, a obra conta con 184 páxinas e sae á venda por 24 euros. text/html culturagalegaorg Redaccion noticia.php?soportal=bdg&id=20225 Logo do éxito acadado coa miniserie que debuxou para a editora americana Marvel dedicada ao Doctor Strange, Emma Ríos retomará este personaxe en 2012. A artista galega está a traballar en <i>Doctor Strange. Season One</i>, un volume con guión de Greg Park no que se contan de novo os primeiros pasos deste heroe. Ríos continúa ao tempo a súa colaboración con esta editora na serie <i>Amazing Spider-man</i>. O volume 677 acaba de chegar ás tendas de Estados Unidos, e no mesmo a galega debuxa, con guións de Mark Waid, un equipo do arácnido con Daredevil. text/html culturagalegaorg Redaccion noticia.php?soportal=bdg&id=20183 A coincidir co final de 2011, críticos e medios de todo o estado están a publicar as súas listaxes das mellores obras de banda deseñada que se editaron ao longo do ano. A facer un repaso das mesmas atopamos que a presenza de obras galegas en varias destas escolmas se reduce ao primeiro volume de <i>El héroe</i>, de David Rubín e mais ao recente <i>Aventuras de un oficinista japonés</i>, de José Domingo, aínda que ámbalas dúas recuncan en diferentes propostas.