Noticias sobre a literatura galega http://www.culturagalega.org/lg3 2008-05-09T14:35:19+01:00 http://www.culturagalega.org http://www.culturagalega.org/imaxes/footer/titulo.gif text/html culturagalegaorg Redaccion http://www.culturagalega.org/noticia.php?soportal=lg3&id=12102 Profesores e pais coinciden en que un modelo de axuda directa para a adquisición de libros de texto “é mellor para fomentar a motivación e o interese dos alumnos”, favorece o seu rendemento académico e mais ”a calidade da ensinanza”. Cando menos así o asegura o informe que a Unidade de Psicoloxía do Consumidor e Usuario da Universidade de Santiago de Compostela realizou para Asociación Galega de Editores sobre esta cuestión. O estudo presentábase onte, poucos días despois de que se anunciase a reforma no sistema de xestión para a gratuidade de libros de texto, e entre outras conclusións, sinala que o actual sistema, polo que os libros se reutilizan varios anos, “impide ao alumno empregar os manuais como ferramenta de traballo, limita as súas oportunidades de aprendizaxe e comprensión e non establece a gratuidade total”. text/html culturagalegaorg Redaccion http://www.culturagalega.org/noticia.php?soportal=lg3&id=12100 Para alén dos seus múltiples méritos, Xosé María Álvarez Blázquez, homenaxeado este ano co Día das Letras Galegas, ben podía pasar a historia coma autor da maior broma que viu a nosa cultura. En 1953 este editor e investigador tiraba á luz un achado que revolucionaba as bases da nosa literatura medieval. O “Cancioneiro de Monfero”, unha escolma de cantigas única. Ata que, pouco tempo despois, descubriuse publicamente que todo fora invención do suposto descubridor. text/html culturagalegaorg Redaccion http://www.culturagalega.org/noticia.php?soportal=lg3&id=12098 As xornadas “Dúas beiras literarias: Galicia – Buenos Aires” reunirán na capital porteña a escritores dos dous sistemas literarios entre os días 18 e 20 de xuño. A actividade, presentada hoxe no Consello da Cultura Galega, está organizada polo P.E.N. Clube de Galicia coa colaboración da Delegación da Xunta en Buenos Aires e o propio CCG. O secretario da institución, Henrique Monteagudo, presentou o evento ao abeiro do convenio subscrito co club de escritores para a promoción da literatura galega no exterior. Polo PEN Clube Luís G.Tosar anunciou o evento como o primeiro dun ciclo anual que, nesta ocasión servirá como homenaxe ao escritor arxentino de orixe galega González Carbalho (1899-1958) no 50 cabodano do seu pasamento. Escritores galegos e arxentinos xuntaranse para dar a coñecer mellor a vida e obra deste escritor que foi un dos máis representativos poetas da súa xeración e cuxa obra reflicte o seu vencello con Galicia. O ciclo de xornadas servirá para comprender a fondura da pegada da emigración galega na literatura arxentina. text/html culturagalegaorg Redaccion http://www.culturagalega.org/noticia.php?soportal=lg3&id=12076 Quizais unha das eivas que con máis frecuencia se lle apón ao mundo editorial galego é a existencia dun alto número de empresas que actúan cunha visión pouco empresarial do negocio. A xestión de dereitos, os problemas da internacionalización ou a optimización do propio proceso editorial son algunhas das eivas que detectan os membros do propio sector. De cara a paliar isto están a se abordar nos últimos anos distintas apostas pola formación, un camiño imprescindible para garantir a supervivencia da nosa cultura impresa. text/html culturagalegaorg Redaccion http://www.culturagalega.org/noticia.php?soportal=lg3&id=12060 Segundo o Barómetro de Hábitos de Lectura e Compra de Libros para o primeiro trimestre do ano o 0,3 % da poboación española, menos de cento corenta mil persoas, ten como idioma habitual de lectura o galego, último na lista dos idiomas de lectura por baixo do éuscaro, o inglés, o catalán / valenciano e do castelán, idioma de lectura habitual do 92,8% dos lectores. Ademais o 55,5 por cento só le nunha lingua. Deduce tamén o Barómetro que existe unha relación directamente proporcional entre o tamaño do núcleo de residencia e a poboación lectora, existindo menor porcentaxe de lectores en hábitats de pequeno tamaño. O perfil lector maioritario segue a ser o de máis lectoras que lectores e un índice de lectura de ata o 91 % en menores de trece anos que despois vai diminuíndo vertixinosamente coa idade. A principal motivación para ler é o entretemento. Entre os dez libros máis lidos do trimestre cinco deles están dispoñibles en galego, lingua na que se editan o 2% dos libros do Estado segundo o INE. text/html culturagalegaorg Redaccion http://www.culturagalega.org/noticia.php?soportal=lg3&id=12056 “A barbantesa” é o título do proxecto co que o IES Cotarelo Vallador gañou o certame de mostras encol do Día das Letras galegas. Marisol López, secretaria xeral de Política Lingüística, presentaba o mércores esta proposta, que consiste en once carteis con ilustracións e textos que fan un percorrido polo traballo e a biografía de Xosé María Álvarez Blázquez e que inclúe ademais unha guía de actividades para o alumnado. O material está xa a se distribuír en centros de ensino, concellos e centros galegos no exterior, e agárdase que chegue a preto de 2.500 puntos. text/html culturagalegaorg Redaccion http://www.culturagalega.org/noticia.php?soportal=lg3&id=12053 Os libreiros, os editores e a Xunta chegaron finalmente a un acordo. A partir do vindeiro ano o sistema de gratuidade de libros de texto organizarase a través dun cheque que os pais dos alumnos poderán empregar na librarías adscritas ao programa. Ao tempo, a xestión do sistema pasará a depender dunha empresa e non dos centros de ensino. O vindeiro ano 129.068 estudantes empregarán este novo sistema, mentres que os que restan ata 217.096 seguirán co anterior. Agárdase que esta proposta ha paliar en boa medida a crise que que veñen denunciando os libreiros. Precisamente o sector reclamáballe hoxe a Cultura que acabe cos atrasos nos pagos pola adquisición de libros para bibliotecas. Estes profesionais estiman en medio millón de euros a cantidade pendente, o que segundo eles pon en perigo a supervivencia de pequenos negocios. text/html culturagalegaorg Redaccion http://www.culturagalega.org/noticia.php?soportal=lg3&id=12042 A industria editorial galega tirou en 2007 2.364 títulos entre libros e folletos, oitenta menos que no ano anterior. O Instituto Nacional de Estatística, INE, facía onte públicos estes datos, que fan que o noso país descenda un posto na lista estatal de publicación de obras, situándose coma a sétima comunidade que máis edita. O 62% dos títulos que tirou o noso sector editorial, 1.472, están en galego, o que supón unicamente o 2% de todos os que saen no Estado. Malia a isto, o INE sinala que a produción editorial galego ascendeu nos últimos dous anos un 4,7%, fronte ao 6,7% de crecemento da edición en catalán e o 14% do vasco. text/html culturagalegaorg Redaccion http://www.culturagalega.org/noticia.php?soportal=lg3&id=12036 A novela policíaca “Ollos de auga” (Galaxia, 2007) de Domingo Villar ven de gañar o Premio Frei Martín Sarmiento outorgado polos alumnos de 3º de ESO e Bacharelato de 32 colexios relixiosos da comunidade. “Zoa e azor” (Tambre) de An Alfaya resultou a obra elixida na categoría de alomnos entre 6º de primaria e 2º de ESO; o libro “Dez piratas” (Obradoiro) de Gloria sánchez foi o máis valorado na categoría de 3º a 5º de primaria; os máis cativos elixiron “Poemas para pintar” (Sotelo Blanco) de Concha Blanco como o seu libro preferido. Os premios entregaranse o vindeiro mércores, 30 de abril, nun acto no recinto feiral de FEXDEGA en Vilagarcía de Arousa ante a presenza de máis de dous milleiros de escolares. “Ollos de auga” xa vai pola súa quinta edición en galego e está tamén publicada en castelán, alemán, italiano, búlgaro, ruso e inglés. O libro xa recibiu anteriormente os premios Brigada 21 e Premio Sintagma. text/html culturagalegaorg Redaccion http://www.culturagalega.org/noticia.php?soportal=lg3&id=12033 A Cea das Letras serviu, un ano máis, de escenario para que a Asociación de Escritores en Lingua Galega presentase os seus premio anuais. Como xa se anunciara, a cubana Nancy Morejón foi declarada escritora galega universal. Pola súa banda, Justo G. Beramendi levou o premio de ensaio pola súa obra “De provincia a nación”. “O único que queda é o amor”, de Agustín Fernández Paz, foi considerado o mellor traballo de Literatura Infantil e Xuvenil. “Sextinario: treinta e seis + tres”, de Marica Campo Levou o premio de Poesía e “O soño da febre” de Miguel Anxo Murado, o de Narrativa. O seu traballo cos “Poemas canónicos” de Kavafis valeulle a Yolanda Vilarchao o premio á tradución, mentres Millán Picouto facíase co de teatro por “Ciclo de Marte”. Finalmente, a traxectoria xornalística recoñecida nesta ocasión foi a de Xosé Luís Méndez Ferrín.