Berrogüetto actuou a na primeira semana de outubro xunto ó grupo Capercaillie en Escocia na presentación para a prensa do festival Keltic Connection, que reunirá a máis de catrocentos grupos ó vindeiro mes de xaneiro. A formación fixo un concerto que foi retransmitido en directo pola BBC e outro nun auditorio de Glasgow ante tres mil persoas. O grupo partirá nestes días cara a Arxentina a presentar alí "Viaxe por Urticaria". O público arxentino sen dúbida poderá éscoitar pezas do album tan suxerentes como A forza das mareas ou Aquí canto

Berrogüetto é unha representación perfecta da creatividade musical máis renovada no que a música popular atinxe. A calidade instrumental que os seus compoñentes atesouran, e a rigorosidade coa que desenvolven o seu traballo, reflictense sen dúbida nas súas composicións.
O seu último traballo,"Viaxe por Urticaria" (Do Fol Edicions, 1999), é a reconciliación da utopía coa realidade.

O primeiro traballo de Berrogüetto, "Navicularia" (Do Fol Edicions, 1996), recibíu o Premio da Música concedido pola Crítica alemana na categoría de "Folklore, Weltmusik". Os once temas de Navicularia, como Valseiro ou Canco Crú , representan unha travesia que vai do tradicional ó contemporáneo navegando por valses, muiñeiras, alalás, polcas... ; unha viaxe a través do tempo, sen perder a pegada da identidade cultural da que xurden.