Desde debaixo da terra, as bandas independentes máis ruidosas atópanse reunidas no segundo recopilatorio do selo musical Lixo Urbano Ediçons: "Killer Lixo vol.II -O retorno do Lixo Assassino".

Unha colección de lixo

Punk-rock en galego, español e inglés feitos por bandas de todos os recantos do mundo. Desde os composteláns Fame Neghra ós finlandeses de The Flaming Sideburns, pasando por bascos, cataláns ou madrileños. Esta variedade supón unha internacionalización do traballo desta casa, que xa sacara un volume de Killer Lixo "o primerio recopilatorio galego de punk-rock" só con grupos galegos.

As últimas tendencias neste estilo reinterpretadas por grupos que, con maior ou menor veterania, van construindo un nome entre os afeccionados ó punk.

O lixo galego
Aquí presentámosche unha mostra da presencia galega neste recopilatorio. Desde Compostela Samesugas preséntannos "Quero dormir", unha enérxica canción desta banda nacida en 1999.

Outro grupo compostelán, o xa desaparecido Fame Neghra, traenos "Beiços, línguas e pulmons". Desde Vigo unha formación con historia, Foggy Mental Breakdown atacan con "The Kill", e desde Coruña chega "The Look" de Mistakens.

Outra banda coruñesa que comeza a soar "Thee virus" aportou a este recopilatorio "Como un animal". Rematamos cunha versión dun clásico do xénero, "Those boots are made for walking", a cargo do novo grupo Japón 84, no que participan algúns ex-membros de Fame Neghra.

Lixo Urbano
Lixo Urbano comezou como unha distribuidora independente especializada en punk, hardcore e músicas afíns. Despois de editar maquetas de grupos míticos na escea galega coma "Dirty barriguitas", lanzouse á edición de discos, lanzando, con este segundo recopilatorio, oito álbumes, entre so que se encontraba "O neno carburador" de Fame Neghra ou "Media Circus2 de Fullsomes. Na súa actividade como distribuidora, conta cun amplo catálogo internacional de punk, hardcore, ska, reggae e outro xéneros poucos difundidos entre o grande público.

Killer Lixo na rede