Portada de "étnika^los sonidos de Galicia"

[O músico Fasero é un dos promotores de Étnika en Zouma Records]

Os gaiteiros Xarín están tamén representados con dúas pezas

A portuguesa María do Ceo

Escaparate Musical

Dentro dunha estratexia de marketing tan profesional como urxente na industria musical, a discográfica ourensana Zouma Records ven de editar "ÉTNIKA^los sonidos de Galicia", un disco promocional dos seus artistas con vistas a conseguir unha representatividade nos escaparates musicais español e internacional, os directivos da discográfica.

Completamente convencidos da calidade da música que están a producir e sen ningún complexo nin medo escénico, os directivos de Zouma decidiron lanzarse á conquista dos mercados musicais cun recopilatorio - o primeiro que producen. que servira como tarxeta de presentación dos seus artistas e da propia discográfica, e para iso propuxéronlles ós sete artistas que aparecen no recopilatorio que eles mesmos escolleran aquelas pezas que consideraran mellores. Confiadas ó criterio dos artistas as catorce pezas que forman Étnika - dous por cada un- amosan as diferentes personalidades e os diversos enfoques que pode haber dentro da música de raigame tradicional, alonxándo así un pensamento bastante común que mete a toda as músicas desta base nun mesmo andel sen atender as diferenciacións propias de cada artista e ó estilo que se desprende da súa personalidade.

Ëtnika é o primeiro disco recopilatorio dunha discográfica galega concebido con fíns promocionais para os mercados nacional e internacional. Con esta idea no libreto interior apórtase información detallada de cada artista, en galego castelán e en inglés. Os sete artistas que o forman - Cristina Pato, Mutenrohi, Fasero, Beladona, Xarín, María do Ceo e Xingra- veñen sacando discos desde hai anos con Zouma e algúns deles están vencellados á estructura empresarial da discográfica. Por certo que de algúns poderedes ter a ocasión de saber mási dos seus traballos en outras partes de RadioCG, é o caso de Fasero, Mutenrohi e Xarín, ós que lles dedicamos outras edicións deste soportal con ocasión da saída de cadanseu traballo.

Dos catorce temas que compoñen este escaparate sonoro só os de Mutenrohi corresponden con dous álbumes diferentes dentro da súa discografía, a máis ampla de todos os músicos representados, aínda que as dúas pezas tamén poden atoparse dentro do seu recente album Danze (2001). Cristina Pato elixíu dous temas do seu primeiro album Tolemia (1999), a que da nome ó disco e "Áfrika". Tamén a portuguesa María do Ceo está representada neste recopilatorio con temas do album Vellas lembranzas (Alfama producciones, 1999) que aportan o son luso á diversidad musical do disco. Beladona remitiuse ó seu único disco Bicos de Sol (2000), e no mesmo caso están Xingra, Fasero e Xarín, cos seus respectivos discos Canteres (2001), Mar de Mares (2001) e Gaiteiros do Incio (1999).

Como aseguraba recentemente ó xornal La Region Juan Carlos Fasero, de Zouma Records, a acollida que o disco esta a ter nos países europeos é moi boa. Esto reflíctese nunha axenda de concertos destos músicos que está a encherse de contratos para actuar en varios países e noutras partes de España. Francia e Estonia serán destinos de Cristina Pato en maio e xullo respectivamente, en agosto Mutenrohi fara unha xira por Escocia e María do Ceo viaxará a Italia. O éxito do disco animou á discográfica Zouma a convertilo en algo máis que un instrumento de promoción e levalo ás tendas, ante unha demanda ampla o disco, do que incialmente só se fixeran 4.000 copias, está xa a venda para o público en xeral.

Enlaces

+Zouma Records

+Cristina Pato

+Xarín

+María do Ceo