XARÍN, GAITEIROS DO INCIO

Os gaiteiros do Incio son a festa en sí mesmos. Nados nas "terras bravas" do Incio, no sul da provincia de Lugo, no 1985, o seu repertorio é un percorrido pola extensa e variada música tradicional, facendo especial mención a aquela vinculada coas terras das que proveñen: o Incio e o Caurel. O seu primeiro disco "Xarín. Gaiteiros do Incio" é froito da xuntanza coa distribuidora Zouma P.A. O disco foi grabado nos estudios Areamaster de Vigo entre os dias 17,18,19 e 20 de Abril de 1.999 e na "Casa de Tolos" de Mañufre-Gondomar en Xullo de 1.999.
O disco é unha recopilacion de doce temas de todolos estilos da música tradicional, pero con especial predileccion por aqueles que se tocaban antiguamente nas festas da zona á hora de comenzar o baile agarrado. Despois de diversos cambios na súa formacion, pola que xa pasaron unhos cuantos músicos, chega ós dias de hoxe cunha formacion estable e moi compacta, cunha morea de instrumentos e tonalidades novas que non manexaba anos atras.
O grupo foi evoluíndo dende dende unha formación autodidacta ate un traballo serio de cultivo de música tradicional, da que partiron para chegar a amosar arranxos musicais que engrandecen a música das gaitas descubrindo un son refrescante que tenta revivir "a auténtica festa galega, onde a música e o baile foron e serán a mesma alma do pobo."
Os seis compoñentes desta formación compartiron escenario con agrupacións emblemáticas do folk internacional, Berrogüetto, Milladoiro, e Sharon Xanon, entre outros. O grupo ten entre o seu palmarés o 1º premio no "Festival Folk de Castroverde - Lugo" (1987), e o 2º premio premio do "Primeiro concurso do Santo Estebo. Nogueira de Ramuín" (Ourense 1998).

A páxina web de Xarín.