Xoan Carlos Fdez. Fasero é unha desas figuras ó redor das que xiran moitas das produccións máis exitosas do panorama musical gallego, de feito xa tivo tres nominacións ós Premios da Música que organizan a SGAE e a AIE. Por outra banda foi o productor do traballo "Tolemia" de Cristina Pato, asi como de Mutenrohi. Este músico, productor e compositor presenta agora un traballo en solitario "Mar de Mares" (Zouma Records, 2001). Fasero amosa a súa capacidade de interpretación coa guitarra, mezclando o pop coa música celta e a chamada world music.

Influencias
O son que destila Mar de Mares amosa claramente as influencias de guitarristas míticos neste compositor. As cancións traen lembranzas de Mike Oldfield, adicado tamén o xénero da world music con aires celtas en algunhas das súas últimas produccións, ou incluso de Carlos Santana, coma nunha versión do popular "Eu chorei". Fasero non oculta as súas influencias, é máis, un dos agradecementos deste traballo vai adicado "a todos aqueles guitarristas dos que me nutrín". O músico fai con estes 10 temas un percorrido dende aqueles que nunca se atrevíu a grabar ás propostas máis modernas e avanzadas dentro da world music.

Compañeiros
Como case sempre, os discos en solitario están cheos de colaboracións, de amigos, e colegas. No caso de "Mar de Mares" a Fasero o acompañan, ademáis dos seus compañeiros do grupo Mutenrohi, Cristina Pato, nas gaitas, as cálidas voces de Laura Arbiol e Cristina Barriga, os violíns de Ricardo Mourente, e tamén os teclados de Juan de Dios. O disco foi grabado case integramente na "Casa de Tolos" por Segundo Grandío, e a producción artística correu a cargo do propio Fasero e de Grandío.

Musica do Mundo
O concepto de world music, dentro do que xenericamente parece encadrarse Fasero, non está moi definido, e mesmo dentro do sector dos músico moitos apuntan a que esa etiqueta é máis un invento das discográficas que unha verdadeira clave xenérica.
O título do disco fai refererencia a que o mundo non remata en Fisterra, como creían os antígos romanos, pero que o mar que nos rodea neste rincón do planeta, o Atlántico, é o Mar de Mares.Un mar que segue impoñendo respeto pola súa grandiosidade e circunstancial salvaxismo.

Zouma na rede