Jota
do Gaiteiro do Fragoso. "Nacín e vivín
en Lavadores (Vigo), un barrio atravesado de norte a sur polo
río Lagares. Recollo nesta xota as inquedanzas persoais
das que o val do Fragoso foi paciente espectador e cómplice.
como sobrevivente do grupo de gaitas "Os Cruceiros",
tomo a liberdade de chamrame o Gaiteiro do Fragoso e simbolizar
así toda unha vida relacionada con esta fermosísimo
val".
O
vello gaiteiro. "Dedícolles este ritmo
lento e agarimoso a todos os gaiteiros que, coma min, levan
anos e anos dedicados ao mundo da gaita tratando de conservar
as raíces máis profundas da música tradicional".
Badaleadoira.
"O uso dun ritmo en orixe foráneo ao noso folclore
como é a polca, permitiume simbolizar nesta composición
o badaleo das campás que en tantas ocasións acompañan
os gaiteiros nos días de romaría".
O
Gaiteiro Retroncón. "Unha petición
dun amigo, per precisaba unha peza para presentarse no concurso
para gaita solista "Constantino Bellón" de
Ferrol, levoume a compoñer "o gaiteiro retroncón".
Rumbeando
con Noitarega "Noitarega é un quinteto tradicional
cun longo historial dentro da música tradicional máis
pura. Esta rumba nace por petición expresa do propio
grupo e a el vai dedicada en agradecemento polos moitos temas
por min compostos que completan o seu repertorio".
Aturuxos
do Gaiteiro-Alborada Ribeirá "Desenvolvín
este tema fuxindo da alborada convencional e na procura do carácter
musical doutras melodías, doutros ritmos vinculados coas
ribeiras mariñeiras. A agudeza da gaita fusiona o gaiteiro
co seu instrumento nun berro en forma de aturuxo".
Henrique Otero "O
gaiteiro do Fragoso" ten xa setenta anos e moita gaita ás
súas costas. Cincuenta e seis anos de profesión consolidaron
o seu nome coma un dos principais mestres de gaita da segunda metade
do século XX en Galicia.
Nacido en 1930 no barrio de Lavadores de Vigo, acadou facer unha
síntese entre a aprendizaxe tradicional da gaita e os métodos
clásicos. Membro fundador do grupo "Os Cruceiros",
de grande popularidade na Galicia dos anos sesenta, converteuse
a partir de 1971 en mestre gaita no Conservatorio de Vigo.
Profesor
e compositor Seu
é o mérito
de que se validase o estudio de gaita galega polo Ministerio de
Educación, e foi o primeiro gaiteiro que publicou un método
para aprender gaita. Polas súas aulas pasaron algúns
dos máis destacados gaiteiros da actualidade, coma o coñecido
Carlos Núñez.
Como compositor realizou máis de duascentas obras nas que
mestura a tradición máis fonda coa busca de novas
posibilidades para o instrumento. Grupos coma Treixadura e Noitarenga
teñen incluídas algunhas das súas pezas nos
seus repertorios.
Disco
Logo da recente concesión da medalla Constantino Bellón
en homenaxe á súa carreira, publícase agora
"Henrique Otero. O Gaiteiro do Fragoso" (Boa
Music , 2001). Un disco no que se recollen quince das súas
composicións orixinais.
Estes temas amosan a pericia técnica e a sensibilidade musical
do mestre Otero, e van desde os ritmos tradicionais da muiñeira
ata o máis estraño da polca, todos eles empregados
con grande acerto e axustando o ritmo á intención.
Cada tema preséntase cun texto do propio Henrique no que
explica o como xurdiu cada peza.
Na gravación
atopamos colaboracións de luxo coma a de Beatriz Riobó
no único tema con voz do álbum ou as de varios dos
membros de Noitarenga.
Unha recuperación
da memoria da gaita, dun dos pais da actual xeración de gaiteiros
que levan os sons deste instrumento polos escenarios de todo o mundo,
O Gaiteiro do Fragoso.
