o Krilin máis o Rabudo

Os Trospiros de Cañha pretenden ser os representantes dun novo concepto musical: o estilo tróspiro. Segundo eles, trátase dun estilo que entronca coa tradición máis enxebre, de puro musgo e granito, e chega ate a última tecnoloxía.
A súas cancións non queren encadrarse nun estilo determinado e abarcan desde o ska, rancheras, pop, música eléctrónica... todo mesturado cunha heteroxeneidade que pretende enriquecelas...
As súas cancións, guitarreiras e de ritmos logrados pagan a pena ser oídas xa que amosan unha frescura musical que é de agradecer, as letras son ocurrentes divertidas e tocan desde os temas máis localistas a outros de carácter e alcance universais... o estilo tróspiro imponse!

Mundo Tróspiro
Pese a non ter aínda ningún tema editado, Rabudo, Krilín, e Alatorio Gonçalves, os integrantes de Tróspiros de Cañha, xa distribúen as súas maquetas usando a súa páxina en Internet para ese fin. Nela pódese acceder ós seus tres primeiros temas en formato MP3, ademais de a temas de outra xente "tróspira" coma o Colectivo Gondosende.A páxina dos Tróspiros de Cañha destila, como era de esperar, o estilo tróspiro, nela explican unha visión do mundo, divertida e ocurrente, chea de suxerencias de todo tipo, asemade liguísticas.
Eles defínense como "uns ghichos da Galicia que nos xuntamos para ver de facer algo de música", e aseguran que non teñen ánimo de lucro na súa actividade "sobre todo por que dubidamos moito que haxa alguén disposto a pagar un só peso por escoitar a nosa música". Este grupo de xovenes músicos, que toman o seu nome dos pequenos grolos que un toma no bar mentres xoga a partidiña, semella que poden chegar a ter seguidores de seu en pouco tempo.

Os Tróspiros de Cañha na rede