O buxo do que os Seivane levan facendo gaitas desde o ano 1939 foi a inspiración para poñer nome a este disco "Alma de buxo" (Boa Music, 2001). Se ben é certo que naqueles tempos no que este prestixioso obradoiro comezaba o seu traballo, insinuar que unha muller podería acadar un grande éxito como intérprete de gaita sería pouco menos que unha blasfemia, hoxe en día, gracias ó bo traballo e a sensibilidade amosados por Susana Seivane e outras que, como ela, atoparon na gaita o instrumento da súa expresión musical as gaiteiras están recoñecidas como peza clave dunha nova dimensión e trascendencia no son tradicional.

Unha xira recortada
No pasado mes de outubro do 2001, poucos meses despois da saída de "Alma de Buxo" e da conseguinte xira promocional a Sociedade Xeral de Autores e Editores (SGAE) facñía públicos datos nos que sinalaba que a música folk superaba ó pop e o rock en número de recitais no noso país. Esta situación, que sitúa ó folk coma o estilo musical moderno máis escoitado en directo, só se dá en Galicia e en Andalucía, dominando o pop-rock no panorama musical do resto do estado. Sen dúbida estó é debido a xoves músicos que como a gaiteira de Cambre saben interpretar dun xeito fresco que conecta co público en xeral e transmite a enerxía que sae dunhas fondas raíces tradicionais ben entendidas.

Susana amosa aquí a madeira da que está feita e que xa deixaba albiscar no anterior traballo "Susana Seivane" (Boa Music, 1999). A gaiteira tomouse este tempo para a elaboración das composicións que conforman o seu novo disco.
A xira promocional de "Alma de Buxo" víuse reducida polas circunstancias internacionais que comezaban o 11 de setembro. Ante a evolución rápida e imprevisible dos acontecementos a gaiteira decidíu anular os seus compromisos para actuar nos Estados Unidos de América onde xa tiñá concertados numerosos concertos. A crecente inseguridade sumada a un ambiente social nada propicio nos EUA para contribuir ó éxito da xira levaron á artista a tomar esta decisión, sen coñecerse a día de hoxe datas para unha posible reanudación da xira en terras americanas.

Ben acompañada
Para as trece pezas que conforman "Alma de Buxo" a gaiteira de Cecebre arrodéase de colaboradores entre os que hai algún que xa a acompañaba no anterior disco, como Rodrígo Romaní, quen producira enteiramente aquel primeiro traballo e que aquí colabora, aínda que nesta segunda producción a propia instrumentista involucrouse totalmente, coa axuda de Brais Maceiras ( acordeón) e Xurxo Iglesias (bouzouki), compoñentes da banda que acompaña á gaiteira nos seus concertos e da que tamén forma parte Beto Niebla (percusións), Carlos Freire (batería), Iván Laxe (baixo eléctrico) e Xavier Gastañaduy (guitarra acustica). Nas gravacións acompañaron a Susana tamén importantes figuras da música tradicional e folk como Kepa Junquera, Uxía Senlle, Guadi Galego (Berrogüetto), Uxía Pedreira (Chouteira) e o seu propio avó, Xosé Manuel Seivane, gaiteiro e mestre artesán, que gravou duas das composicións de su repertorio.

+Páxina web de Susana Seivane en Boa Music
+Obradoiro Seivane