Xistralia, república independente

En "Xistralia, república independente" (Zouma Records, 2000), Xistra do Coruxo pretende rematar coa idea de Portugal como país veciño. Porque, segundo eles xa forman parte da mesma realidade, ou como eles pretenden, da mesma república. Neste camiño, recuperan os sons, os intrumentos e as pezas tradicionais do sur de Galicia e do norte lusitano.

Pasado e presente

Cando en 1998 "Xistra do Coruxo" irrumpeu no panorama folk, nacía co obxectivo de estudiar, divulgar e actializar aquelas pezas musicais que recollían o sentir e o lecer das xentes do sur galego. Unha vocación didáctica que souberon plasmar ó longo da súa discografía e, en especial, neste último de traballo.

Compromiso

Neste terceiro álbume Xistra de Coruxo recupera problemas e temas que malia parecer actuais, están na nosa cultura dende sempre.
O seu compromiso particular son as Treboadas, unha cita ineludible en tódolos seus traballos.
No seu disco, ademáis de 14 pezas musicais, Xistra pon á disposición de todos as partituras das pezas populares orixinais que toman como base do seu traballo. Para iso teñen no mesmo disco unha pista especial que a xeito de páxina web nos permite acceder a estes documentos(aquí tes unha desas partituras).

Xistra do Coruxo na rede